Foto: primeminister.kz
3 qańtarda Premer-Ministr Álihan Smaiylov Premer-Ministr Keńsesin Úkimet Apparaty retinde qaita qurý, Ekologiia, geologiia jáne tabiǵi resýrstar ministrligin qaita uiymdastyrý, sondai-aq salalyq tujyrymdamalar men damý josparlaryn ázirleý máseleleri jóninde keńes ótkizdi, dep habarlaidy "Ult aqparat" primeminister.kz saityna silteme jasap.
Álihan Smaiylov Premer-Ministr Keńsesin Úkimet apparaty retinde qaita qurý Memleket basshysy bastamashylyq etken institýtsionaldyq reformalardyń mańyzdy elementi bolyp tabylatynyn atap ótti. Onyń aitýynsha, ortalyq jáne jergilikti atqarýshy organdardyń jumysyn, qurylymdyq ózgeristerdi jalpy úilestirý kúsheitiledi.
«Ol úshin apparattyń qurylymy men onyń qyzmeti ońtailandyrylady. Úkimet pen Premer-Ministrdiń saraptamalyq-taldamalyq, uiymdastyrýshylyq-quqyqtyq qyzmetin qamtamasyz etý kúsheitiledi. Apparat Prezident Ákimshiligimen birlesip sheshim qabyldaý rásimderin biýrokratiiadan aryltý jáne shamadan tys reglamentteýdi joiý jónindegi jumysty jalǵastyrady», — dedi Álihan Smaiylov.
Úkimet Apparaty basshysynyń m.a. Ǵalymjan Qoishybaev vedomstvonyń jumysy biýrokratiiadan aryltý, «halyq únine qulaq asatyn memleket» jáne ortalyqsyzdandyrý, sondai-aq memlekettik basqarý deńgeileri arasynda ókilettikterdi qaita bólý qaǵidattaryna negizdeletinin habarlady.
Premer-Ministr ókilettikterdi memlekettik basqarý deńgeileri arasyndaǵy ortalyqsyzdandyrý týraly zań jobasy Prezident Ákimshiligine kelisýge engizilgenin eske saldy.
Úkimettiń 500-den astam fýnktsiiasy ministrlikter men ákimdikterge beriledi.
«Atalǵan zań jobasymen biz ministrler men olardyń orynbasarlarynyń derbestigin kúsheitemiz. Endi barlyq aǵymdaǵy salalyq máseleler ministrlerdiń buiryqtarymen qabyldanatyn bolady», — dedi ol.
Kún tártibindegi ekinshi máselege toqtalǵan Premer-Ministr Prezidenttiń Jarlyǵymen Ekologiia, geologiia jáne tabiǵi resýrstar ministrligi Ekologiia jáne tabiǵi resýrstar ministrligi bolyp qaita uiymdastyrylǵanyn aitty. Jer qoinaýyn geologiialyq zerdeleý jáne mineraldyq-shikizat bazasyn molyqtyrý salasyndaǵy fýnktsiialar men ókilettikter Indýstriia jáne infraqurylymdyq damý ministrligine berildi.
«Indýstriia jáne infraqurylymdyq damý ministrliginiń basty mindetteriniń biri jer qoinaýyn igerýge investitsiia tartý bolyp tabylady. Geologiialyq aqparattyń biryńǵai derekter bankin ónerkásiptik paidalanýǵa berýdi aiaqtaý qajet», — dedi Álihan Smaiylov.
Indýstriia jáne infraqurylymdyq damý ministri Qaiyrbek Óskenbaev jer qoinaýynyń jai-kúiine monitoring jáne paidaly qazbalardy óndirýge memlekettik baqylaý kúsheitiletinin, qajetti salalyq sheshimder qabyldaý jáne biznes-protsesterdi tsifrlandyrý protsesi jedeldetiletinin atap ótti.
Sonymen qatar, Premer-Ministrdiń aitýynsha, osy aida ministrlikterdiń josparlanǵan alqa májilisterinde barlyq salalyq tujyrymdamalar men damý josparlary qaralady.
Keńesti qorytyndylai kele, Premer-Ministr Úkimet aldynda ekonomikanyń naqty mánde 4%-ǵa ósýin qamtamasyz etý, infliatsiiany 2 esege 9,5%-ǵa deiin tómendetý jáne 2023 jyly $24,4 mlrd kóleminde tikelei sheteldik investitsiialar tartý sekildi mańyzdy mindetter turǵanyn atap ótti.
«Bizdiń basty maqsatymyz – eldiń áleýmettik-ekonomikalyq damýynyń ósýin qamtamasyz etý, halyqtyń turmys sapasy men ál-aýqatyn odan ári arttyrý. Sizderden tiimdi jumys jáne sheshim qabyldaýda úlken jaýapkershilik talap etiledi», — dep túiindedi Álihan Smaiylov.
