Foto: primeminister.kz
QR Premer-Ministri Álihan Smaiylov Shyǵys Qazaqstan oblysyna jumys sapary aiasynda Ridder qalasyndaǵy JEO-ny jóndeý-qalpyna keltirý jumystarynyń barysymen tanysty, dep habarlaidy "Ult aqparat" Úkimet basshysynyń baspasóz qyzmetine silteme jasap.
Shyǵys Qazaqstan oblysy ákiminiń orynbasary Baqytjan Baiahmetovtiń aitýynsha, búginde stansadaǵy 6 qazandyqtyń 2-ýi iske qosylǵan. Jaqyn arada taǵy bireýi iske qosylyp, turǵyndar jylýmen tolyq qamtamasyz etiledi dep kútilip otyr. Sonymen qatar qalǵan agregattar men qosalqy jabdyqtardy jóndeý-qalpyna keltirý jumystary júrgizilip jatyr.
Jalpy, búginde mazýt sorǵy stansasyn, otyn berý traktisin, týrbogenerator jáne bailanys transformatorlaryn jóndeý, jylý jelilerinde gidravlikalyq rejimdi qamtamasyz etý úshin sorǵy stantsiialaryn elektrmen jabdyqtaýdy qalpyna keltirý jumystary aiaqtaldy. Qazandyq pen týrbinalyq tsehtardyń shatyry jóndeldi. Kómir tasymaldanatyn temirjoldardy jóndeý jumystary da aiaqtalýǵa jaqyn.
Premer-Ministr ótken jylytý maýsymynda Ridder JEO apatty jaǵdaida jumys istep, jii toqtap qalǵanyn, nátijesinde turǵyndar qystyń kózi qyraýda jylýsyz qalǵanyn atap ótti.
«Buǵan burynǵy qojaiyndardyń stansany jańǵyrtý men jóndeý jumystaryna qarajat salmaǵany sebep boldy. Osynyń barlyǵy JEO-nyń ábden tozýyna ákep soqty. Respýblikalyq biýdjetten 8,4 mlrd teńge bólýge májbúr boldyq. Oblys ákimdigi óz tarapynan 500 mln teńgege jýyq qarjy bóldi. Osy ýaqytqa deiin jóndeý jumystary toqtaýsyz júrgizildi. Aldaǵy jylytý maýsymynyń durys ótýi úshin olardyń ýaqtyly aiaqtalýy mańyzdy. Muny kúni-túni qadaǵalap otyrýymyz kerek», — dedi Álihan Smaiylov.
Ol sondai-aq JEO-ny kommýnaldyq menshikke berý protsesin jedeldetýdi tapsyrdy.
Nysanda Premer-Ministrge aimaqtyń jylý berý maýsymyna daiyndyǵy týraly da baiandaldy. Búgingi tańda biýdjettik uiymdardy (830-dan astam nysan), turǵyn úilerdi (3 myńnan astam), injenerlik jeliler men qazandyqtardy daiyndaý jumystary aiaqtaldy. JEO men sý elektr stansalarynda da osyǵan uqsas jaǵdai, daiyndyq jumystary aiaqtalýǵa jaqyn.
