Respýblika kúni ulttyq merekesi qarsańynda QR Premer-Ministri Álihan Smaiylov QR Prezidenti atynan memlekettik organdar men kompaniialardyń qyzmetkerlerine memlekettik nagradalar tabys etti, dep habarlaidy "Ult aqparat" Úkimettiń resmi saityna silteme jasap.
QR Tsifrlyq damý, innovatsiialar jáne aeroǵarysh ónerkásibi ministrligi Telekommýnikatsiialar komiteti tóraǵasynyń orynbasary Jaqsylyq Ibragimov pen Premer-Ministr Keńsesiniń qyzmetkerleri: bas inspektor Baqytjan Qýanyshbaev, bas konsýltant Madina Qalymova jáne bas sarapshy Gúlden Beisenbina, Qazaqstan Respýblikasynyń Qurmet gramotasymen marapattaldy.
Premer-Ministr kásibi biliktiligi men mol tájiribesin el igiligine arnap kele jatqan marapat ieleriniń kúndelikti eńbeginiń mańyzdylyǵyn atap ótti.
«Respýblika kúni – elimizdiń táýelsizdik jolyndaǵy tuńǵysh qadamy. Bul – halqymyz úshin azattyq pen turaqtylyqtyń, qoǵamdyq kelisim men ultaralyq tatýlyqtyń merekesi. Respýblika kúni merekesi qarsańynda Prezidenttiń atynan Sizderge memlekettik nagradalardy tapsyrý mindeti maǵan júkteldi. Búgingi marapatty Memleket basshysynyń Sizderdiń el aldyndaǵy eńbekterińizge degen joǵary senimi dep qabyldańyzdar», — dedi Álihan Smaiylov.
