Foto: primeminister.kz
Premer-ministr Álihan Smaiylov Tsifrlyq damý, innovatsiialar jáne aeroǵarysh ónerkásibi ministri Baǵdat Mýsinge Qazaqstandaǵy internet jáne mobildi bailanys sapasy úshin eskertý jasady, - dep habarlaidy Massaget.kz saity.
Vedomstvo alqasynyń otyrysy kezinde Smaiylov elimizdiń iri qalalarynda da internet jii bolmaitynyn aitty. Premer-ministr vedomstvo basshysyna qazaqstandyqtardyń shaǵymyna qulaq asýdy eskertti.
"Baǵdat Batyrbekuly, qazaqstandyqtardyń internet sapasy men uialy bailanysqa qatysty narazylyǵy men shaǵymyn ózińiz de kórip otyrsyz ǵoi. Bailanys keide tipti iri qalalarda da bolmaidy. Qazir bárin uialy telefonnyń kómegimen jasaimyz, biraq keide internettiń bolmaýyna bailanysty bul múmkin bolmai jatady. Bul máseleni sheshý kerek. Memleket basshysynyń tapsyrmasy boiynsha barlyq qala men aýdan ortalyǵy, sonymen birge respýblikalyq jáne oblystyq basty avtojoldar da sapaly uialy bailanyspen jáne internetpen qamtylýǵa tiis, - dedi Álihan Smaiylov.
Aita keteiik, bir kún buryn ranking.kz Qazaqstan 2022 jyly internetti óshirýge kóp aqsha jumsaǵan úsh memlekettiń biri bolǵanyn habarlady.
Elimiz byltyr internetti óshiremin dep, 410 million AQSh dollaryn ketirgen. Ekinshi orynda Iran (773 million AQSh dollary), al birinshi orynda Resei (21,59 milliard AQSh dollary) tur.
