فوتو: primeminister.kz
پرەمەر-مينيستر ەليحان سمايىلوۆ تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسينگە قازاقستانداعى ينتەرنەت جەنە موبيلدٸ بايلانىس ساپاسى ٷشٸن ەسكەرتۋ جاسادى, - دەپ حابارلايدى Massaget.kz سايتى.
ۆەدومستۆو القاسىنىڭ وتىرىسى كەزٸندە سمايىلوۆ ەلٸمٸزدٸڭ ٸرٸ قالالارىندا دا ينتەرنەت جيٸ بولمايتىنىن ايتتى. پرەمەر-مينيستر ۆەدومستۆو باسشىسىنا قازاقستاندىقتاردىڭ شاعىمىنا قۇلاق اسۋدى ەسكەرتتٸ.
"باعدات باتىربەكۇلى, قازاقستاندىقتاردىڭ ينتەرنەت ساپاسى مەن ۇيالى بايلانىسقا قاتىستى نارازىلىعى مەن شاعىمىن ٶزٸڭٸز دە كٶرٸپ وتىرسىز عوي. بايلانىس كەيدە تٸپتٸ ٸرٸ قالالاردا دا بولمايدى. قازٸر بەرٸن ۇيالى تەلەفوننىڭ كٶمەگٸمەن جاسايمىز, بٸراق كەيدە ينتەرنەتتٸڭ بولماۋىنا بايلانىستى بۇل مٷمكٸن بولماي جاتادى. بۇل مەسەلەنٸ شەشۋ كەرەك. مەملەكەت باسشىسىنىڭ تاپسىرماسى بويىنشا بارلىق قالا مەن اۋدان ورتالىعى, سونىمەن بٸرگە رەسپۋبليكالىق جەنە وبلىستىق باستى اۆتوجولدار دا ساپالى ۇيالى بايلانىسپەن جەنە ينتەرنەتپەن قامتىلۋعا تيٸس, - دەدٸ ەليحان سمايىلوۆ.
ايتا كەتەيٸك, بٸر كٷن بۇرىن ranking.kz قازاقستان 2022 جىلى ينتەرنەتتٸ ٶشٸرۋگە كٶپ اقشا جۇمساعان ٷش مەملەكەتتٸڭ بٸرٸ بولعانىن حابارلادى.
ەلٸمٸز بىلتىر ينتەرنەتتٸ ٶشٸرەمٸن دەپ, 410 ميلليون اقش دوللارىن كەتٸرگەن. ەكٸنشٸ ورىندا يران (773 ميلليون اقش دوللارى), ال بٸرٸنشٸ ورىندا رەسەي (21,59 ميلليارد اقش دوللارى) تۇر.
