Foto:elements.envato.com
Premer-ministr Álihan Smaiylov jemqor sheneýnikterden tárkilengen aqshanyń mektep salýǵa jumsalatyn qarajaty týraly suraqqa jaýap berdi, - dep habarlaidy Tengrinews.kz.
Senatta jýrnalister saýaldaryna jaýap bergen Premer-ministr sybailas jemqorlyqtan alynǵan aqsha úshin Qarjy ministrliginde arnaiy shot kózdelgenin atap ótti.
"Aqsha Qarjy ministrliginiń arnaiy shotyna túsedi jáne túsip jatyr. Qazirdiń ózinde 50 milliard teńge tústi. Jaqyn arada bul soma 100 milliard teńgege deiin ósedi dep kútemiz. Olar ásirese oryn tapshylyǵy jáne úsh aýysymda oqytatyn, apatty jaǵdailary bar mektepterge, óńirlerde qosymsha oqýshy oryndarymen qamtamasyz etý maqsatynda mektepter jáne qosymsha ǵimarattar salýǵa baǵyttalady", - dep túsindirdi Smaiylov.
Onyń aitýynsha, qazir Oqý-aǵartý ministrligi tiisti qujattamany daiyndap jatyr. Bul rette Premer-ministr qarjylandyrý biýdjetke salynǵan qarajatqa qosymsha júzege asyrylatynyn atap ótti.
