Premer-ministr qazaqstandyqtardyń jalaqysy kóterilýi múmkin ekenin málimdedi, - dep habarlaidy Tengrinews.kz agenttigi.
Úkimet basshysy kelesi jyly 4,4 million adam 4,6 trillion teńgeniń áleýmettik tólemderin alatynyn aitty.
"1 qańtardan bastap tsifrlyq otbasy kartasy arqyly áleýmettik qorǵaý qyzmetteri proaktiv formatqa kóshedi. Sailaýaldy baǵdarlamany júzege asyrý úshin respýblikalyq shtab quryldy. Barlyq memlekettik organ salalyq tujyrymdamalardy, vedomstvolyq damý josparlaryn ázirlep jatyr. Olar jyldyń basynda bekitiledi", - dedi Úkimettiń keńeitilgen otyrysynda Smaiylov.
Smaiylov Memleket basshysyna Úkimet sailaýaldy baǵdarlamany sapaly júzege asyrý úshin barlyq qajetti jumystardy júrgizetinin aitty.
"Nátijesinde ekonomika turaqty túrde ósip, halyqtyń ómir súrý sapasy artady. 2023 jyly ekonomikanyń ósý qarqyny keminde 4 paiyz deńgeiinde boljanady. Halyqtyń jalaqysynyń naqty ósýi 2,3 paiyz deńgeiinde kútiledi. Jumyssyzdyq 4,8 paiyzǵa deiin tómendeidi", - dedi Smaiylov.
