QR Premer-Ministri Álihan Smaiylov ekonomikany demonopolizatsiialaý jónindegi komissiianyń kezekti otyrysyn ótkizdi, onda qant naryǵyndaǵy monopoliiaǵa qarsy den qoiý sharalary qaraldy, dep habarlaidy "Ult aqparat" Úkimettiń baspasóz qyzmetine silteme jasap.
Básekelestikti qorǵaý jáne damytý agenttiginiń tóraǵasy Serik Jumanǵarin elimizde qanttyń negizgi kólemi Jambyl jáne Almaty oblystarynda ornalasqan tórt zaýytta óndiriletinin atap ótti.
Bul rette elde óndirilgen qanttyń negizgi kólemin (shamamen 90%) iri kóterme jetkizýshiniń satyp alǵany atap ótildi, onyń is-áreketterinen taýardy ainalymnan alyp qoiý belgileri baiqalyp otyr, sonyń saldarynan qanttyń naryqtyq baǵasy 700-800 teńgege deiin kóterilgen, al óndirýshi zaýyt ony 420-450 teńgeden satady.
Qant satýdyń dinamikasyn zertteý barysynda ár aidyń sońynda kompaniiada eldiń jekelegen óńirlerinde suranysty ishinara qanaǵattandyrýǵa múmkindik beretin qaldyq qordyń bolǵany anyqtaldy. Osyǵan bailanysty Básekelestikti qorǵaý jáne damytý agenttigi monopoliiaǵa qarsy zańnamany buzý belgileri boiynsha tergeý taǵaiyndady.
Qalyptasqan jaǵdaidy ózgertý úshin naryq sýbektileriniń taýar birjasy arqyly qanttyń eń az partiialaryn (60 tonna) ótkizý bóliginde olarǵa baqylaýdy qatańdatý, sondai-aq importtaýshylardy birja arqyly qant ótkizýdi júzege asyrýǵa mindetteý jáne óndirýshi zaýyttar úshin shikizat satyp alýǵa ainalym nesielerin bólý máselesin qaraý usynyldy.
Premer-Ministr usynylǵan tásilderdi qoldap, memlekettik organdarǵa birqatar qosymsha tapsyrmalar berdi.
Úkimet basshysy Básekelestikti qorǵaý jáne damytý agenttigine monopoliiaǵa qarsy zańnamany buzý belgileri boiynsha kompaniiaǵa qatysty tergeýdi jalǵastyrýdy tapsyrdy.
Qarjylyq monitoring agenttigine osy kásiporynnyń qyzmetin yqtimal buzýshylyqtar turǵysynan egjei-tegjeili taldaý tapsyryldy.
Sonymen qatar Premer-Ministr Saýda jáne integratsiia ministrligine Aýyl sharýashylyǵy ministrligimen jáne óńirlerdiń ákimdikterimen birlesip, otandyq qant zaýyttaryna shikizat satyp alýǵa «ainalym shemasy» boiynsha qarajattyń bir bóligin jiberý máselesin pysyqtaýdy tapsyrdy. .
