QR Premer-Ministri Álihan Smaiylov «Qazaqstan Respýblikasy azamattarynyń tólem qabilettiligin qalpyna keltirý jáne bankrottyǵy týraly» Zań jobasyn ázirleý máselesi jóninde keńes ótkizdi, dep habarlaidy "Ult aqparat" Úkimettiń resmi saityna silteme jasap.
Zań jobasynda jeke tulǵalardyń bankrottyq rásimderiniń túrleri, olardy qoldaný negizderi jáne basqa da erejeler qarastyrylǵan.
18 zańnamalyq aktige – 7 Kodeks pen 11 Zańǵa túzetý engizý josparlanǵan. Úkimet basshysy Zań jobasyn osy jyldyń 4 aqpanyna deiin Premer-Ministrdiń Keńsesine engizýdi tapsyrdy.
«Zań jobasyn talqylaýǵa jurtshylyq pen sarapshylardy tartýdy tapsyramyn», — dedi Smaiylov.
