SquareTrade kompaniiasynyń sarapshylary amerikalyqtar arasynda zertteý júrgizip, smartfonnyń buzylýynyń eń jii kezdesetin sebebin aitty, dep jazady Sputnik.
Zertteýge súiensek, adamdardyń 66 paiyzy óz telefondaryn ózderi syndyryp alǵan. Sondai jaittardyń jartysynda (29%) telefonnyń ekrany synǵan eken – AQSh-ta bir jyl ishinde 50 million gadjet buzylǵan. Ony jóndeýge barlyǵy 3,4 milliard dollar ketipti.
Telefon ieleri ekranǵa syzat túskende (27%), batareiasy isten shyqqan kezde (22%), korpýsynyń qyrlary urylǵanda jáne sensorlyq basqarý istemei qalǵana (16 paiyzdan) jóndeý sheberhanalarynyń kómegine júginedi.
Sarapshylardyń aitýynsha, smartfonnyń synyp qalýynyń jii kezdesetin sebebi – adamnyń durys paidalanbaýy. Abaisyzda jerge qulatyp alatyndar eń kóp kezdesedi eken (74%). Sýǵa qulatqandar — 39%, ájethanaǵa qulatqandar — 26%.
Sonymen birge tutynýshylar telefondy jóndeýge qansha ketetinin bilmei, synǵan smartfondy ustap júre beredi nemese jańasyn satyp alady.
