Kollaj: ulysmedia.kz
Ádildik joly Respýblikalyq qoǵamdyq birlestiginiń basshysy Didar Smaǵulov G-Park qurylys kompaniiasynyń basshysy Ǵabit Satmaǵambetov pen elordalyq kásipker áieldiń sottasqan oqiǵasy týraly aityp berdi. Ol bul iske Joǵarǵy sot aralasýy kerek dep esepteidi, dep habarlaidy Ulysmedia.kz portaly.
«Búgin biz sotqa deiin baryp ádildik tappaǵan kásipker áiel týraly aitpaqpyz. Onymen ekinshi sottasqan ári sot qoldaǵan adam – qalalyq máslihattyń depýtaty, tanymal «G-Park» kompaniiasynyń bas direktory Ǵabit Satmaǵambetov. Kópshilikke ol qaiyrymdylyqpen ainalysatyn edáýir ashyq kásipker retinde belgili. Men ondai kisilerdiń qaiyrymdylyǵyna tántimin. Alaida men búgin bir naqty jaǵdai boiynsha sóz qozǵamaqpyn», - deidi Ádildik joly birlestiginiń basshysy.
Didar Smaǵulovtyń aitýynsha, kásipker áiel 2019 jyly Ǵabit Satmaǵambetovpen kelisimshartqa otyrǵan. Ýaǵdalastyq boiynsha ol áiel depýtatqa 1,5 ga jer beredi. Al ol jerge úi salǵan depýtat sonda salynǵan búkil jyljymaityn múliktiń 10 paiyzyn berýge mindetteledi. Arada eki jarym jyl ótkennen keiin Ǵabit Esmaǵambetov ózine júktelgen mindetti oryndamaǵan kórinedi. Óitkeni úi sol kúii turǵyzylmaǵan.
«Ýchaske birden berilgen. JShS tarapynan tek 1 páter, eki parking jáne bir kladovka berilgen. Dál osy jerde eń qyzyǵy bastalady. Jerdiń burynǵy ielenýshisi ekinshi taraptan naqty aqparat almai jatyp, logikalyq turǵyda sotqa júginedi. Kelisimshartty buzyp, jerdi qaitarýdy talap etedi. Eki jarym jylda shartyn oryndamaǵandyqtan, solai istegen. Biraq sot qaraǵan istiń ekinshi jaǵynda – qalalyq máslihattyń eń úzdik depýtaty turǵan. Sondai ataqty Satmaǵambetov myrzanyń ózi alǵany belgili», - deidi ol.
Smaǵulovtyń aitýynsha, sotta «talapkerdiń kelisimdegi sharttary oryndalyp, jer kompaniianyń menshigine berilgenin, talapkerdiń talaby qanaǵattandyrýǵa jatatyny» týraly sheshim shyqqan. Alaida sheshim shyqqanymen, sýdia múlde basqa normaǵa silteme jasai otyryp, jer ýchaskesin qaitarý talabyn oryndaýdan bas tartqan.
«Dostar bul reiderlikke uqsamai ma? Sýdialar Jańa Qazaqstanda reiderlikke jol berilmeitinin uǵynýy kerek. Osy jaǵdaidyń ózi ádiletti emes. Halyq qalaýlysy ári elordanyń eń tabysty kásipkerleriniń biri bizdiń suraqqa jaýap berer degen úmittemiz», - deidi ol.
Didar Smaǵulov bul is Joǵarǵy sot aralasýy kerek dep esepteidi.
