Slovakiia prezidenti Zýzana Chapýtova Twitter-de Resei áskeri men qolbasshylaryna orys tilinde videoúndeý joldady, - dep habarlaidy Tengrinews.kz.
Ol Ýkrainadaǵy soǵysty "qajetsiz", eshbir sebepsiz bastaldy dep aiyptady.
"Sizderdi eshkim qorqytqan joq, sizderge eshkim ziian keltirgisi kelmedi, al sizder jamandyq jasap jatyrsyzdar", - dedi Chapýtova.
Videoda Slovakiia prezidenti birneshe atyshýly áskeri qylmystardy, atap aitqanda, Resei áskeri ýkrainalyq áielderdi zorlady degenge basa toqtaldy.
"Árine, árbir soǵys zorlyq-zombylyqtan turady. Sondyqtan adamzat órkeniet jolynda soǵys qurbandaryn azaitý úshin, adamdardy qorǵaý úshin belgili bir erejelerge kelisti. Áskeri ar-namys, áskeri tártip jáne soǵys erejeleri bar. Biraq sizder munyń bárin joǵalttyńyzdar", - dedi ol.
"Reseilik sarbazdar, komandirler jáne oǵan qatysy bar adamdar! Eger boilaryńyzda áli de adamzattyń qaldyǵy bolsa, ony jandandyryp, osy qorqynyshty soǵysty toqtatyńyzdar. Óitkeni sizder kún saiyn jaralanǵan jandar men áielderdiń, balalar men jazyqsyz adamdardyń ólimine sebepshi bolyp júrsizder. Qorǵansyzdarǵa ziian keltirý - bul álsizdiktiń kórinisi", - dedi Chapýtova.
Sondai-aq videoǵa bylai dep jazdy: "Resei Ýkrainaǵa shabýylymen qatar azap ákeldi, jynystyq zorlyq-zombylyq qurbandarynyń sany ósip jatyr. Mundai qylmysty eshqandai soǵys aqtai almaidy".
Euronews arnasynyń málimetinshe, Kiev aimaǵynan reseilik ásker shyǵarylǵannan keiin ondaǵan áiel reseilik sarbaz ózderin zorlǵanyn, qorlyq kórsetkenin aityp quqyq qorǵaý uiymdaryna júgingen.
Quqyq qorǵaýshylar bir jarym myń zorlaý men azaptaý deregin anyqtaǵan.
