Sýret: Ria Novosti
Slovakiianyń premer-ministri Robert Fitso úsh apta buryn jasalǵan qastandyq shabýylynan aýyr jaraqat alǵannan keiin alǵash ret beineúndeý jariialady. Euronews habarlaýynsha, ol shabýyldaýshyǵa jek kórýshilik seziminiń joqtyǵyn aitty.
Fitsonyń beineúndeýi Eýroparlament sailaýy qarsańynda Facebook paraqshasynda jariialandy. Premer-ministr shabýyl onyń densaýlyǵyna aýyr ziian tigizgenin jáne birneshe aptadan keiin jumysqa oralýy «kishkentai ǵajaiyp» bolatynyn atap ótti.
Qastandyq 15 mamyrda Slovakiianyń Gandlov qalasynda úkimettiń kóshpeli otyrysy ótkennen keiin halyq aldyna shyqqan kezde jasalǵan edi. Premer-ministrdiń ómirine qastandyq jasady degen kúdikpen 71 jastaǵy zeinetker jáne «Ozyq Slovakiia» oppozitsiialyq liberaldyq partiianyń jaqtaýshysy Iýrai Tsintýla qamaýǵa alyndy.
Robert Fitso maýsym men shilde ailarynyń toǵysynda jumysqa oralýdy josparlap otyr jáne ol shabýyldaýshyny jek kórmeitinin málimdedi.
«Men ony keshiremin», - dedi Robert Fitso.
.jpg)