Almatyda abaqtyda Natalia Slekishinany zorlady dep aiyptalǵan túrme baqylaýshysyna qatysty sot úkimi shyqty, - dep habarlaidy Ult.kz tilshisi kaz.tengrinews.kz portalyna silteme jasap. Túrksib aýdandyq soty 37 jastaǵy LA-155/18 qylmystyq-atqarý júiesi departamentiniń qyzmetkerleri Rýslan Hákimovti toǵyz jylǵa bas bostandyǵynan aiyrdy.
Sottalýshynyń múlki tárkilenip, maior ataǵynan aiyryldy. Sonymen qatar, Hákimovke ómir boiyna memlekettik qyzmette jumys isteýge tyiym salyndy. Sot úkimin sýdia Aisara Jylqybaeva shyǵardy.
Slekishinanyń ózi bul úkimge rizashylyǵyn bildirdi.
Eske salaiyq, Almatyda tergeý abaqtysynyń qyzmetkerleri jazasyn ótep jatqan áieldi jabylyp zorlady dep aiyptalǵan bolatyn. Bul oqiǵadan jábirlenýshi sol Slekishina bolyp shyǵady. 32 jastaǵy Natalia Slekishina 155/18 mekemesinde jatqanda 4 azamattyń jynystyq qatynasqa májbúrlegenin aitqan. Ol tipti sol kezde júkti bolyp qalǵan. Al qylmystyq atqarý júiesiniń qyzmetkerleri taǵylǵan aiyppen kelispeitinin aityp otyr. Aita keteiik, kiná taǵylyp otyrǵan 4 azamat ta osy mekemede uzaq ýaqyttan beri qyzmet etip keledi. Báriniń jasy 35-ten asqan. Bala-shaǵalary da bar. Nataliany 4 birdei qyzmetker birneshe ret zorlaǵan. Keiin arnaiy saraptama taǵaiyndalyp, balanyń ákesi rasymen túrme baqylaýshysy Rýslan Hákimov ekeni anyqtalǵan bolatyn.
"Memlekettik aiyptaýshy jańa aiyptaý aktisin toltyrdy, onda sottalýshyǵa myna baptar boiynsha jańa aiyp taǵyldy: QR Qylmystyq kodeksiniń 362-babynyń 4-bóliginiń 4-pýnkti (Bilikti nemese laýazymdyq ókilettikterdi asyra paidalaný), 120-babynyń 2-bóliginiń 2-pýnkti (óltirý qaterin tóndirýmen ulasqan, sondai-aq jábirlenýshige nemese basqa adamdarǵa qatysty asa qatygezdikpen jasalǵan zorlaý áreketi), 146-babynyń 2-bóliginiń 2-pýnkti (Birneshe ret azaptaý). 21 qazanda memlekettik aiyptaýshy sot protsessinde taraptarǵa jańa aiyptaýlardy baiandady", - dep túsindirdi baspasóz qyzmetindegiler.
Tolyǵyraq:https:///crime/slekishinanyi-zorlagan-mayorga-katyistyi-sot-ukm-shyiktyi-273142/
Materialdy kóshirip basqanda Kaz.tengrinews.kz saityna gipersilteme mindetti túrde qoiylýy tiis. Avtorlyq quqyqty saqtańyz.
