Foto: Polisia.kz
Shemonaihada zeinetkerdiń aiaǵyn skotchpen bailap, dene jaraqattaryn salyp, tonap ketken kúdiktiler anyqtaldy, – dep habarlaidy Polisia.kz.
Shemonaiha aýdandyq politsiia bóliminiń jedel qyzmetkerleri aýyr qylmystyń betin ashty. Politsiia bólimine zeinetker, qalanyń 73 jastaǵy turǵyny eki belgisiz adam úiine kirip, aiaǵyn skotchpen bailap, oǵan dene jaraqattaryn keltirip, 70 myń teńge kólemindegi aqshasyn urlaǵany týraly habarlaǵan.
Politsiia qyzmetkerleri oqiǵa ornyna jedel jetken.
"Tártip saqshylary “izin sýytpai” kúdiktilerdi anyqtap, ustady. Olar 63 jáne 42 týǵan jergilikti turǵyndar bolyp shyqty, ekeýi de buryn uqsas qylmys jasaǵany úshin sottalǵan. Qaskúnemder kinásin moiyndap, qylmys aldyn ala sóz bailasý arqyly jasalǵanyn aitty.
Sondai-aq jábirlenýshi egde jasta bolǵandyqtan olarǵa qarsy tura almaitynyna senimdi bolǵan, sóitip baǵaly turmystyq tehnikany úiden shyǵarý úshin qylmys ornyna qaita oralýdy josparlaǵan. Qazirgi ýaqytta kúdiktiler sottyń sanktsiiasymen qamaýǵa alyndy" - delingen habarlamada.
Qazir bul derek boiynsha QR QK-niń 191-baby 3-bóligi (Tonaý) boiynsha sotqa deiingi tergeý bastalǵan. Atalǵan qylmys úshin bes jyldan on jylǵa deiingi merzimge bas bostandyǵynan aiyrý jazasy kózdelgen.
