«Skolkovo» qorynyń tóraǵasy Arkadii Dvorkovich Almaty tehnoparkin aralap, qazaqstandyq innovatsiialyq jobalarmen tanysty, dep habarlaidy QazAqparat tilshisi.
«Bul forým - qos eldiń innovatsiialyq damýyn salystyrýǵa múmkindik beretin shara. Qazaqstan men Resei mádenieti bir-birimine uqsaidy. Eki elde de taýar men qyzmet erkin júzege asyrylady. Endi jasampaz jobalarǵa basymdyq beretin ýaqyt keldi. Bul máselelerdi jiynda bas qosqan premer-ministrler jáne basqa da quzyrly organ ókilderi talqylaýy tiis. Bul iske ministrler men qoldaý institýttaryn, iri kompaniialardy qosý kerek. Búgingi forým soǵan tamasha múmkindik bolmaq», - dedi Arkadii Dvorkovich.
A. Dvorkovich Qazaqstan men Resei arasyndaǵy ortaq jobalar týraly da tilge tiek etti. Sarapshy Resei innovatsiialyq kompaniialarynyń Qazaqstan tehnoparkinde qalai jumys istep jatqanyn kórgen.
«Máskeý, Novosibir, Qazan qalalarynda jasalǵan jobalar is júzinde Almatyda júzege asyrylyp jatyr. Bul jobalar óndiristik internet, jasandy intellekt, úlken málimetter bazasy, meditsinadaǵy blokchein tehnologiialary, aýyl sharýashylyǵy, logistika salasynda bolyp otyr», - dedi Arkadii Dvorkovich.
Onyń aitýynsha, bul úshin birneshe element - irgeli ǵylym, bilim, startap, iri kompaniialar, kapitaldy biriktirý kerek.
«Qazaqstandyq novatorlardyń paidaly qazbalardy óndirý, óńdeý salasyndaǵy jobalary qyzyqtyrdy. Úlken málimetter bazasy qarjy júiesindegi tólemderdi baqylaýǵa, qarjylyq quqyqbuzýshylyqtyń aldyn alýǵa múmkindik beredi. Aýyl sharýashylyǵy salasynda túrli dándi daqyldardy ósirý men býdandastyrý salasynda da óte qyzyqty jobalar bar eken», - dedi spiker.
Búgin Eýraziialyq ekonomikalyq odaq Úkimet basshylary Almatyda ótip jatqan forým barysynda tsifrlandyrý máselelerin talqylap jatyr. Jiyndy QR Aqparat jáne kommýnikatsiialar ministrligi uiymdastyrdy. «Jahandaný dáýirindegi tsifrlandyrýdyń kún tártibi 2.0.» dástúrli forýmy Nursultan Nazarbaevtyń bastamasymen ótkizilip keledi. Alqaly jiyn EAEO múshe elderi arasynda tsifrlyq tehnologiialardy birige damytýǵa baǵyttalǵan
