«Mambetov jáne K» senim seriktestiginiń direktory, SQO Jer komissiiasynyń múshesi Erkebulan Mambetov Parlament Májilisine joldanǵan jerdi sheteldikterge satýǵa birjola tyiym salýdy kózdeitin zań jobasyna qatysty pikir bildirdi, dep habarlaidy QazAqparat.
«Bul – durys sheshim dep sanaimyn. Óz ýaqytynda bul másele kóp talqylanǵan. Osy joly egjei-tegjeili, jan-jaqty qaraldy dep oilaimyn», - deidi Erkebulan Mambetov.
Buǵan deiin «Aýyl» halyqtyq-demokratiialyq patriottyq partiiasy tóraǵasynyń birinshi orynbasary Tóleýtai Rahymbekov te jerdi sheteldikterge satýǵa tyiym salatyn zań jobasyna qatysty pikir bildirgen.
«Aýyl» halyqtyq-demokratiialyq patriottyq partiiasy óziniń sailaýaldy baǵdarlamasynda sheteldik azamattarǵa, azamattyǵy joq azamattarǵa, sondai-aq sheteldik azamattyń kez kelgen qatysy bar zańdy tulǵalaryna jerdi satý men jalǵa berýdi múldem qoldamaitynyn málimdedi. Nelikten? Birinshiden, jer – ata-babalarymyzdan qalǵan amanat. Ekinshiden, qazaqtar eshqashan jerge jeke menshik quqyǵymen ie bolǵan emes. Keibireýler Amerika, Kanada men Eýropany mysalǵa keltirip, jerdi jeke menshikke ótkizýge yntalandyrady. Bul jerde tym bolmaǵanda halyqtyń mentalitetin eskerýimiz kerek. Bul memleketterde neni bolsyn ózine menshiktep alý mentaliteti bar, al qazaq halqy úshin jer – ortaq qundylyq», - degen bolatyn Tóleýtai Rahymbekov.
Eske sala ketsek, buǵan deiin Memleket basshysy Qasym-Jomart Toqaev Jerdi sheteldikterge satýǵa birjola tyiym salýdy kózdeitin zań jobasyn Májiliske joldaǵany týraly jazǵan bolatynbyz.
