«مامبەتوۆ جەنە ك» سەنٸم سەرٸكتەستٸگٸنٸڭ ديرەكتورى, سقو جەر كوميسسيياسىنىڭ مٷشەسٸ ەركەبۇلان مامبەتوۆ پارلامەنت مەجٸلٸسٸنە جولدانعان جەردٸ شەتەلدٸكتەرگە ساتۋعا بٸرجولا تىيىم سالۋدى كٶزدەيتٸن زاڭ جوباسىنا قاتىستى پٸكٸر بٸلدٸردٸ, دەپ حابارلايدى قازاقپارات.
«بۇل – دۇرىس شەشٸم دەپ سانايمىن. ٶز ۋاقىتىندا بۇل مەسەلە كٶپ تالقىلانعان. وسى جولى ەگجەي-تەگجەيلٸ, جان-جاقتى قارالدى دەپ ويلايمىن», - دەيدٸ ەركەبۇلان مامبەتوۆ.
بۇعان دەيٸن «اۋىل» حالىقتىق-دەموكراتييالىق پاتريوتتىق پارتيياسى تٶراعاسىنىڭ بٸرٸنشٸ ورىنباسارى تٶلەۋتاي راحىمبەكوۆ تە جەردٸ شەتەلدٸكتەرگە ساتۋعا تىيىم سالاتىن زاڭ جوباسىنا قاتىستى پٸكٸر بٸلدٸرگەن.
«اۋىل» حالىقتىق-دەموكراتييالىق پاتريوتتىق پارتيياسى ٶزٸنٸڭ سايلاۋالدى باعدارلاماسىندا شەتەلدٸك ازاماتتارعا, ازاماتتىعى جوق ازاماتتارعا, سونداي-اق شەتەلدٸك ازاماتتىڭ كەز كەلگەن قاتىسى بار زاڭدى تۇلعالارىنا جەردٸ ساتۋ مەن جالعا بەرۋدٸ مٷلدەم قولدامايتىنىن مەلٸمدەدٸ. نەلٸكتەن? بٸرٸنشٸدەن, جەر – اتا-بابالارىمىزدان قالعان امانات. ەكٸنشٸدەن, قازاقتار ەشقاشان جەرگە جەكە مەنشٸك قۇقىعىمەن يە بولعان ەمەس. كەيبٸرەۋلەر امەريكا, كانادا مەن ەۋروپانى مىسالعا كەلتٸرٸپ, جەردٸ جەكە مەنشٸككە ٶتكٸزۋگە ىنتالاندىرادى. بۇل جەردە تىم بولماعاندا حالىقتىڭ مەنتاليتەتٸن ەسكەرۋٸمٸز كەرەك. بۇل مەملەكەتتەردە نەنٸ بولسىن ٶزٸنە مەنشٸكتەپ الۋ مەنتاليتەتٸ بار, ال قازاق حالقى ٷشٸن جەر – ورتاق قۇندىلىق», - دەگەن بولاتىن تٶلەۋتاي راحىمبەكوۆ.
ەسكە سالا كەتسەك, بۇعان دەيٸن مەملەكەت باسشىسى قاسىم-جومارت توقاەۆ جەردٸ شەتەلدٸكتەرگە ساتۋعا بٸرجولا تىيىم سالۋدى كٶزدەيتٸن زاڭ جوباسىن مەجٸلٸسكە جولداعانى تۋرالى جازعان بولاتىنبىز.
