Soltústik Qazaqstan oblysy Timiriazevo eldi mekeninde aýyl turǵyny áielin atyp óltirdi degen kúdikpen ustaldy, dep habarlaidy "Ult aqparat".
SQO Politsiia departamenti baspasóz qyzmetiniń málimetinshe, oqiǵa 10 mamyr kúni saǵat 17.00 shamasynda bolǵan. Timiriazev aýdanynyń politsiia bólimine aýdan ortalyǵy Timiriazevodaǵy úilerdiń birinen atylǵan oqtyń daýysy estilgeni týraly qońyraý túsken.
Politseiler oqiǵa ornyna kelip, úidiń aýlasynan 59 jastaǵy áieldiń denesin tapty. Al úide oq jaraqatyn alǵan 14 jastaǵy qyz bolǵan. Qyz bala Timiriazev aýdandyq aýrýhanasyna jetkizildi.
59 jastaǵy úidiń iesi alkogoldik mas kúide áielimen janjaldasyp, «IJ» markaly qarýdan atqan. Saldarynan áiel sol jerde kóz jumǵan. Úide birge bolǵan nemeresi jaraqattandy.
Atalǵan fakti «Adam óltirý» baby boiynsha Sotqa deiingi tergep-tekserýdiń biryńǵai tizilimine engizildi.
Kúdikti ýaqytsha ustaý izoliatoryna qamaýǵa alyndy. Istiń mán-jaiyn jan-jaqty tekserýge baǵyttalǵan tergeý áreketteri júrgizilip jatyr. Nátijesi boiynsha protsessýaldyq sheshim qabyldanady.
