Soltústik Qazaqstan oblysy Ǵ.Músirepov aýdanyndaǵy Kovylnoe, Vozvyshenko eldi mekenderiniń janynan ótetin Aqanburlyq ózeniniń sý deńgeii kúnnen-kúnge kóterilip keledi, dep habarlaidy "Ult aqparat".
«Qazgidromet» RMK SQO filialynyń málimetinshe, Aqanburlyq ózeniniń deńgeii Kovylnoe eldi mekeniniń mańynda bir táýlikte 167 sm kóterilse, Vozvyshenkoda 154 sm artqan. Bul jerlerde muz keptelisi baiqalady. Al Gýsakovka eldi mekeni mańynan ótetin Babyqburlyq ózeni 84 sm kóterildi.
Esil ózeniniń de sýy kúnnen-kúnge molaiyp jatyr. Ǵ.Músirepov aýdanyndaǵy Toqsan bi aýylynyń janynda ózen deńgeii bir táýlikte birden 135 sm, Sergeevka qalasynyń mańynda 99 sm, Esil aýdany Pokrovka eldi mekeniniń mańynda 117 sm, al Qyzyljar aýdany Novonikolskoe eldi mekeninde 52 sm artqan.
«Sergeev sý qoimasynda sý deńgeii 890 sm jetti. Bir táýliktegi ózgeris 20 sm. Sý qoimasynan sekýndyna 453 tekshe metr sý jiberilip jatyr. Bógetten biiktigi 90 sm sý asyp tógilip jatyr. Petropavl sý qoimasynda sý deńgeii 707 sm, bir táýliktegi ózgeris - 4 sm», - delingen «Qazgidromet» RMK SQOF habarlamasynda.
