سولتٷستٸك قازاقستان وبلىسى ع.مٷسٸرەپوۆ اۋدانىنداعى كوۆىلنوە, ۆوزۆىشەنكو ەلدٸ مەكەندەرٸنٸڭ جانىنان ٶتەتٸن اقانبۇرلىق ٶزەنٸنٸڭ سۋ دەڭگەيٸ كٷننەن-كٷنگە كٶتەرٸلٸپ كەلەدٸ, دەپ حابارلايدى "ۇلت اقپارات".
«قازگيدرومەت» رمك سقو فيليالىنىڭ مەلٸمەتٸنشە, اقانبۇرلىق ٶزەنٸنٸڭ دەڭگەيٸ كوۆىلنوە ەلدٸ مەكەنٸنٸڭ ماڭىندا بٸر تەۋلٸكتە 167 سم كٶتەرٸلسە, ۆوزۆىشەنكودا 154 سم ارتقان. بۇل جەرلەردە مۇز كەپتەلٸسٸ بايقالادى. ال گۋساكوۆكا ەلدٸ مەكەنٸ ماڭىنان ٶتەتٸن بابىقبۇرلىق ٶزەنٸ 84 سم كٶتەرٸلدٸ.
ەسٸل ٶزەنٸنٸڭ دە سۋى كٷننەن-كٷنگە مولايىپ جاتىر. ع.مٷسٸرەپوۆ اۋدانىنداعى توقسان بي اۋىلىنىڭ جانىندا ٶزەن دەڭگەيٸ بٸر تەۋلٸكتە بٸردەن 135 سم, سەرگەەۆكا قالاسىنىڭ ماڭىندا 99 سم, ەسٸل اۋدانى پوكروۆكا ەلدٸ مەكەنٸنٸڭ ماڭىندا 117 سم, ال قىزىلجار اۋدانى نوۆونيكولسكوە ەلدٸ مەكەنٸندە 52 سم ارتقان.
«سەرگەەۆ سۋ قويماسىندا سۋ دەڭگەيٸ 890 سم جەتتٸ. بٸر تەۋلٸكتەگٸ ٶزگەرٸس 20 سم. سۋ قويماسىنان سەكۋندىنا 453 تەكشە مەتر سۋ جٸبەرٸلٸپ جاتىر. بٶگەتتەن بيٸكتٸگٸ 90 سم سۋ اسىپ تٶگٸلٸپ جاتىر. پەتروپاۆل سۋ قويماسىندا سۋ دەڭگەيٸ 707 سم, بٸر تەۋلٸكتەگٸ ٶزگەرٸس - 4 سم», - دەلٸنگەن «قازگيدرومەت» رمك سقوف حابارلاماسىندا.
