Soltústik Qazaqstan oblysy densaýlyq saqtaý basqarmasynyń basshysy 425 myń teńge kóleminde para aldy degen kúdikke ilindi. Bul týraly "Astana" telearnasy BAQ-qa silteme jasap habarlady, - dep habarlaidy Tengrinews.kz.
Telearna málimetine súiensek, sheneýnik bul somany Petropavldaǵy jekemenshik meditsina mekemeleriniń biriniń direktorynan kómek kórsetkeni jáne jalpy qamqorlyǵy úshin alǵan.
Basqarma basshysy izoliatorǵa qamaýǵa alynǵan. Alaida halyq narazylyǵyna qaramastan, bul aqparat áli SQO sybailas jemqorlyqqa qarsy qyzmetinde de, sotta da resmi túrde rastalmady nemese teriske shyǵarylmady, delingen telearna habarlamasynda.
Petropavlovsk.news málimetinshe, óńirdiń bas dárigeri Qabdyrahman Saqtaǵanov paramen ustalǵany týraly qaýeset bir aptadan beri taralyp keledi.
SQO densaýlyq saqtaý basqarmasynyń resmi saitynda Saqtaǵanov áli de basshy retinde kórsetilgen.
