Qazirgi tańda aýyl sharýashylyǵy, mal sharýalyǵy, mal dárigeri siiaqty mamandyqtar suranysqa ie bolyp otyrǵan ýaqyt. Óitkeni, osy mamandar tapshy. Osyǵan orai, Manash Qozybaev atyndaǵy Soltústik Qazaqstan ýniversitetiniń bazasynda aýyl sharýashylyǵy janýarlaryn vaktsinatsiialaýdy oqytý boiynsha sertifikattaý ortalyǵyn ashý josparlanyp otyr, - dep habarlaidy «Ult aqparat».
Belgili bolǵanyndai, atalǵan ortalyq frantsýzdyq CEVA SANTE ANIMALE kompaniiasymen birlese otyryp, ashylatyn bolady. AVA QAZAQSTAN ókili Ferhat Biltekinniń aitýynsha, atalǵan aýylsharýashylyǵy salasynda saraptama jasaityn ǵalamdyq kompaniia eken.
«Bul óte qyzyqty joba. Aýylsharýashylyǵy salasynda mańyzdylyǵy da basym. Bul joba tájiribe jasap kóretin joba emes, naqty iske kóshetin joba. Sondyqtan bizdiń Kozybayev University jobamyz bizdiń oilap tapqan jańa tehnologiialarymyzdy óndiriske engizýmen bailanysty. Biz mal sharýashylyǵy, qus sharýashylyǵy, shoshqa sharýashylyǵy salalarynda saraptama jasaityn ǵalamdyq kompaniiamyz. Bizde álemniń túrli elderinde - AQSh, Resei, Túrkiia, Eýropa elderinde ókildikter bar. Ár komponent boiynsha biz oqytý úshin halyqaralyq mamandardy shaqyratyn bolamyz», - AVA QAZAQSTAN ókili Ferhat Biltekin.
Atalǵan joǵary oqý orny birigip otyrǵan frantsýz veterinarlyq kompaniiasy mal sharýashylyǵy men qus sharýashylyǵyna arnalǵan farmatsevtikalyq ónimder men vaktsinalardy zertteýge, ázirleýge, óndirýge jáne satýǵa mamandanǵan eken. Al Kozybayev University rektory Erlan Shýlanovtyń aitýynsha, mamandandyrylǵan aýditoriiada «aina kabineti» tipi boiynsha resimdeledi jáne barlyq qajetti jabdyqtarmen jabdyqtalyp, stýdentter men oqytýshylar úshin sertifikattar tegin bolady
«Qazirgi naryqtyq zamanda kúshpen emes, bilimmen synasatyn ýaqyt dep bilemiz. Bizdiń JOO túlekterdiń eńbek naryǵynda suranysqa ie bolýy úshin kóp qarjy salynady. Diplomdardan basqa, olar jumys berýshilerdiń talaptaryna sai keletin halyqaralyq kompaniiadan naqty sertifikattar alady. Bizdiń stýdentter, bolashaq zootehnikterimiz frantsýzdyq vaktsinalaý tehnologiialaryn meńgerip, osylaisha SQO-da osy salada jańashyl maman ieleri bola alady», - dep túsindirdi Kozybayev University rektory Erlan Shýlanov.
Belgili bolǵanyndai, alǵashqy kezeńde birneshe oqytýshyny jattyqtyrýshy retinde daiyndaý josparlanýda, olar aldaǵy ýaqytta respýblika óńirlerindegi stýdentter men fermerlerdi oqyta alady. Osy maqsatta JOO-da aýyl sharýashylyǵy janýarlaryn vaktsinatsiialaýdy oqytý boiynsha sertifikattaý ortalyǵy ashylady.
Aita keteiik, mundai mańyzdy máseleni talqylaǵan jiynǵa «M ambetov i K» ShQ, «Qyzyljar Sút» JShS jáne «Arqalyq» ShQ siiaqty veterinarlyq stantsiia jáne veterinariia basqarmasynyń mamandary qatysty. Kezdesýge qatysýshylar aýyl sharýashylyǵy janýarlarynyń densaýlyǵyn jaqsartý salasynda halyqaralyq kompaniialardyń ókilderimen tájiribe almasty. Atalǵan aýqymdy jobanyń bastalýy joǵary oqý orny men seriktes kompaniialar arasyndaǵy yntymaqtastyq týraly úshjaqty memorandýmǵa qol qoiý arqyly júzege asyrylady.
Esterińizge sala keteiik, qazirgi tańda aýyl sharýashylyǵy, mal sharýalyǵy, mal dárigeri siiaqty mamandyqtar suranysqa ie bolyp otyrǵan ýaqyt. Óitkeni, osy mamandar tapshy. Osyǵan orai, Manash Qozybaev atyndaǵy Soltústik Qazaqstan ýniversitetiniń bazasynda aýyl sharýashylyǵy janýarlaryn vaktsinatsiialaýdy oqytý boiynsha sertifikattaý ortalyǵyn ashý josparlanyp otyr. Belgili bolǵanyndai, atalǵan ortalyq frantsýzdyq CEVA SANTE ANIMALE kompaniiasymen birlese otyryp, ashylatyn bolady. AVA QAZAQSTAN ókili Ferhat Biltekinniń aitýynsha, atalǵan aýylsharýashylyǵy salasynda saraptama jasaityn ǵalamdyq kompaniia eken.
