Jýyrda Soltústik Qazaqstan oblysynyń Dostyq úiinde Jyr alyby Jambyl Jabaevtyń týǵanyna 175 jyl tolýyna arnalǵan kórkemsóz oqý sheberleriniń konkýrsy ótti. 18-ben 29 jas aralyǵyndaǵy jastar qatysqan baiqaýǵa aýdandyq kezeńderden ótken 12 jeńimpaz qatysty, - dep habarlaidy «Ult aqparat».
Jalpy atalǵan saiys úsh kezeńnen turdy. Birinshi kezeń: Jambyl Jabaevtyń lirikalyq óleńderin jatqa oqý; ekinshi kezeń: aqynnyń poemalarynan úzindiler oqý; úshinshi kezeń: úmitkerler ádil qazylardyń nazaryna Jambyl Jabaevtyń qurmetine shyǵarǵan óz týyndylaryn usyndy.
«Baiqaýdy uiymdastyrýdaǵy negizgi maqsatymyz – aqynnyń shyǵarmalary arqyly Jambyl jazǵan jalpy adamzattyq qundylyqtar – patriotizm, adamgershilik jáne álemge degen súiispenshilikti kórsetýbolyp tabylady. Oblystyq deńgeide ótken baiqaýymyzǵa Óner kolledjiniń oqytýshylary men S.Muqanov atyndaǵy qazaq drama teatrynyń ókilderi, SQO bilim basqarmasynyń jáne Tilderdi oqytý ortalyǵynyń qyzmetkerleri boldy qazylyq etti. Bári de ádil ótip, qatysýshylar da dán riza boldy», - deidi oblystyq Dostyq úiiniń meńgerýshisi.
Osy oraida aita keteiik, Shal aqyn aýdanynan kelgen Danagúl Aiýpova úzdik atanyp, jeńiske jetse, ekinshi oryndy Mamliýt aýdanynyń atynan qatysqan Ábilmájinova Marjan ielendi. Al úshinshi orynǵa Aiyrtaý aýdanynan Nashkenov Aidyn ie boldy.
«Oblystyq Dostqy úii men Qazaqstan halqy Assambleiasy uiymdastyrǵan baiqaýda jeńimpaz bolatynyma senimdi boldym. Óitkeni ár qatysýshy barynsha daiyndalyp, qalaida jeńemin dep keledi emes pe?! Qýanyshyma orai, úmitim aldamady. Jambyl aqynnyń jyrlaryn búginnen erteńge jetkizip jatsaq, bizden asqan baqytty urpaq bolmas, sirá. Búgingi jeńisimdi elimizdiń Táýelsizdiginiń 30 jyldyǵyna arnaimyn. Óte qýanyshtymyn, uiymdastyrýshylar men meni qoldaǵan barlyq janashyrlaryma shyn júrekten alǵys aitamyn», - dedi baiqaýdyń jeńimpazy Danagúl Aiýpova.
Sonymen qatar qazylar alqasy birqatar nominatsiialar boiynsha birneshe qatysýshylardy marapattady. «Jyr alyby» nominatsiiasynda - Sherniiazova Jainanyń (Aqqaiyń aýdany) óneri, «Poeziia sheberi» nominatsiiasynda - Mairasheva Áliianyń (Ǵ. Músirepov atyndaǵy aýdan) shyǵarmashylyq tásili jáne «Shyǵarmashyl tulǵa» nominatsiiasynda - Baiǵanova Zamzagúldiń (Ýálihanov aýdany) sheberligi atap ótildi.
«Men «Poeziia sheberi» nominatsiiasy boiynsha marapattaldym. Jalpy meniń jyr alyby Jambylǵa arnaǵan óz týyndylarym qazylar alqasynyń kóńilinen shyqqan siiaqty. Óitkeni qazylardyń quramyndaǵy barsha azamattar sóz qadirin biletin, poeziiany túsinetin jandar ǵoi. Munymen toqtap qalmai, aldaǵy ýaqytta da shyǵarmashylyǵymdy shyńdap, áli talai baiqaýlarda baq synaitynymyzǵa senemin. Eń bastysy ádebietimizden oiyp turyp oryn alatyn Jabyldai jyraýdyń jyrlaryn búgin men keleshekke qaz-qalpynda jetkize alsaq nur ústine nur bolar edi», - dedi «Poeziia sheberi» nominatsiiasynyń iegeri Áliia Mairasheva.
Sonymen birge, qazylar alqasy qatysýshylardyń shyǵarmashylyq kózqarasyn, aqynnyń shyǵarmashylyǵyna degen qurmetin atap ótip, jastarǵa jańa jeńister tiledi.
Tóreshilerdiń aitýynsha, árbir qatysýshy baiqaýǵa tyńǵylyqty daiyndalyp kelgen. Oblystyq deńgeide ótken baiqaýdyń nátijesinde elimizdiń soltústik óńirinde de aqyn-jazýshylardyń shyǵarmashylyǵy óz deńgeiinde nasihattalyp júrgeni baiqaldy. Qazylar alqasy óz kezeginde qatysýshylar men uiymdastyrýshylarǵa alǵys bildirip, mundai baiqaýlar aldaǵy ýaqytta da jalǵasyn tabýy kerek degen tilektestikterin bildirdi.
Esterińizge sala keteiik, jýyrda Soltústik Qazaqstan oblysynyń Dostyq úiinde Jyr alyby Jambyl Jabaevtyń týǵanyna 175 jyl tolýyna arnalǵan kórkemsóz oqý sheberleriniń konkýrsy ótti. 18-ben 29 jas aralyǵyndaǵy jastar qatysqan baiqaýǵa aýdandyq kezeńderden ótken 12 jeńimpaz qatysty. Jalpy atalǵan saiys úsh kezeńnen turdy. Birinshi kezeń: Jambyl Jabaevtyń lirikalyq óleńderin jatqa oqý; ekinshi kezeń: aqynnyń poemalarynan úzindiler oqý; úshinshi kezeń: úmitkerler ádil qazylardyń nazaryna Jambyl Jabaevtyń qurmetine shyǵarǵan óz týyndylaryn usyndy.
