Foto: Ashyq derekkóz
Soltústik Qazaqstan oblysynda zańsyz ańshylyqpen ainalysqan uiymdasqan qylmys top sottaldy, dep habarlaidy oblystyq prokýratýra.
23 sáýirde uiymdasqan qylmys toby quramynda zańsyz ańshylyqpen ainalysqandarǵa qatysty úkim zańdy kúshine endi.
"Sotta bultartpas dálelder bola tura, tórt aiyptalýshy jasaǵan qylmystary úshin óz kinálaryn moiyndamai, jasaǵan qylmystaryna ókinbegen. Osyǵan qaramastan, memlekettik aiyptaýshy Petropavl qalasynyń 4 turǵynyn oblys ortalyǵynyń mańynda 53 elikti zańsyz atyp, memleketke 68 million teńgeden astam shyǵyn keltirgenin dáleldedi", - delingen habarlamada.
Petropavl qalalyq soty barlyǵyn 8 jyldan 11 jylǵa deiin bas bostandyǵynan aiyrý týraly úkim shyǵardy. Olardan keltirilgen materialdyq shyǵyndy óndirilip alynady.
