Ulttyq qaýipsizdik komiteti Qazaqstannan shetelge munai ónimderin zańsyz shyǵarǵan uiymdasqan topty áshkereledi. 2019–2023 jyldary «Batys Nefte Trade» JShS arqyly 160 myń tonnadan astam ónim eksporttalyp, operatsiialardyń jalpy quny 45 mlrd teńgege jýyqtaǵan, dep habarlaidy ult.kz.
Tergeý derekterine sáikes, Mańǵystaý oblysynyń kásipkeri shiki munaidy shaǵyn zaýyttarda óńdetip, ónimge jalǵan sapa pasporttaryn rásimdegen. Keiin munai ónimderi pesh otyny retinde kórsetilip, Aqtaý porty arqyly tankerlermen shetelge shyǵarylǵan.
Is aiasynda zaýyttar, tanker jáne ózge de múlik tárkilenip, zańsyz kirister men tólenbegen salyqtar boiynsha memleketke 2 mlrd teńgeden astam qarajat qaitarylǵan.
Aqtaý qalalyq sotynyń úkimimen shemanyń bes qatysýshysy 8 jylǵa sottaldy. Al uiymdastyrýshy halyqaralyq izdeýde júr.
Bul týraly UQK baspasóz qyzmeti habarlady.
