Foto freepik
Soltústik Qazaqstan oblysynda tushparadan ýlanyp kóz jumǵan bir otbasynyń balalarynyń saraptama qorytyndysy shyqty. Derekterge súiensek olar nitrit tuzdaryna ýlanǵan, dep habarlaidy «Ult aqparat» jergilikti politsiia departamentininiń baspasóz qyzmetine silteme jasap.
Aimaq politsiia departamentiniń málimetinshe tergeý barysynda otbasynyń ýlaný sebebi anyqtalǵan. Saraptama nátijesinde balalar nitritpen jedel ýlanýdan kóz jumǵany kórsetilgen.
"Istiń barlyq mán-jailaryn jan-jaqty, tolyq jáne obektivti zertteýge baǵyttalǵan sotqa deiingi tergeý jalǵasýda. Ózge de málimetter jariia etilmeidi", - delingen habarlamada.
Nitrit – azot qyshqylynyń tuzdary. Olar ádette et ónimderinde marinadtap, ystaý jáne konservant jasaý kezinde qoldanylady.
Eske salsaq, osyǵan deiin SQO-da shujyq pen tushparadan ýlanǵan otbasynyń eki balasy kóz jumǵany týraly habarlaǵan bolatynbyz.
