Soltústik Qazaqstan oblysynda úlken saýda oryndarynyń kireberisterine teplovizorlar qoiylyp jatyr. Dene qyzýy bar turǵyn sýpermarketke kirgizilmeidi, dep habarlaidy "Ult aqparat".
SQO ákimi Qumar Aqsaqalov óńirde qaýipti indettiń taralýyna tosqaýyl qoiý maqsatynda qolǵa alynǵan is-sharalar jóninde baiandady.
«Oblysta keshe bir adam emdelip, úiine jiberildi. Qazir aýrýhanada 24 naýqas bar, jaǵdailary birqalypty. Aralarynda aýyr naýqastar joq.
Degenmen, 10 orynǵa arnalǵan jansaqtaý bólimshesin daiyndap qoidyq. Olarǵa jasandy tynys alý apparatynyń 10-yn ázirledik. Jýyrda jańa 5 apparat aldyq. Barlyǵy oblys boiynsha 74 apparat bar. Dárigerlerimiz úlken jumys atqarýda. Olarǵa alǵysymdy bildiremin. Naýqastardy emdeitin dárigerler jumystan keiin birden qonaq úige jetkiziledi. Dalaǵa shyqpaidy, úilerine barmaidy. Qonaq úide dárigerlerge barlyq jaǵdai jasalǵan», - dedi dedi oblys ákimi «QYZYLJAR» telearnasynyń tikelei efirinde.
Oblysta shekteý sharalary qatańdatyldy. Tótenshe jaǵdai rejimin buzýdyń 88 deregi anyqtaldy. Onyń 42-sinde turǵyndar qoǵamdyq oryndarda qydyryp júrgen. 23-i qamalyp, 32-sine aiyppul salyndy. Taǵy 32-siniń isi ákimshilik sotqa jiberildi.
«Buǵan deiin eskerttik, endi qatań shara qoldanamyz. Qazir saiajaiǵa baryp, itti qydyrtatyn ýaqyt emes. Otbasylaryńyzben birge bolyńyzdar. Zeinetkerlerimizge virýs qaýipti ekenin aitsaq ta, kóshede júrgen qartardy kóremiz. Aiyppul tólegilerińiz kelmese úide otyryńyzdar», - dedi Qumar Aqsaqalov.
Petropavldaǵy kásiporyn-mekemelerge, iri saýda oryndaryna teplovizorlar qoiylyp jatyr. Óńir basshysynyń aitýynsha, dene qyzýy barlar sýpermarketke kire almaidy. Mundai jaǵdaida azyq-túlikti úige jetkizýge tapsyrys beredi nemese volonterlerdiń kómegine júginýge bolady.
Al «Radýga» JShS dezinfektsiialyq týnnelderdi jasaýdy qolǵa aldy. Sýpermarketterdiń aldaryna ornatylyp jatqan qurylymdar kirgen adamǵa preparatty avtomatty túrde seýip, dezinfektsiialaidy.
