Soltústik Qazaqstan oblysynda sibir jarasynyń oshaǵy anyqtalǵan Aqjar aýdany tórt aimaqqa bólindi, dep habarlaidy QazAqparat.
Qaýly ashyq normativti-quqyqtyq aktiler saitynda jariialandy. Iri qara mal arasynda asa qaýipti sibir jarasy infektsiiasynyń anyqtalýyna bailanysty aýrýdy joiý jáne onyń odan ári taralýyna jol bermeý boiynsha arnaiy veterinariialyq is-sharalardy josparlaý jáne tiimdi júrgizý maqsatyndaaýdan tórt aimaqqa bólindi. Birinshisi - epizootiia oshaǵy men «Aq-Niet-Agro i K» JShS tiesili jaiylymdy qamtityn epizootiia oshaǵynan 6 km radiýstaǵy qolaisyz aimaq.
Ekinshisi – býferlik aimaq. Qolaisyz aimaq shekarasynan 3 km radiýsty qamtidy.
Úshinshisi – býferlik aimaqtan keiin 3 km radiýsty qamtityn baqylaý aimaǵy. Oǵan Novoselsk aýyldyq okrýgine qaraityn Gorkov aýyly men JShS jaiylymy kiredi.
Tórtinshisi - Voshod aýyldyq okrýgi Voshod aýylyn, Uialy aýyldyq okrýgi Uialy aýylyn, Mai aýyldyq okrýgi Mai aýylyn qamtityn baqylaý aimaǵynyń shekarasynan tysqary qolaily aimaq.
Esterińizge salaiyq, Novoselsk aýyldyq okrýginiń ákiminiń sheshimimen 25 tamyzda epizootiia oshaǵynda karantin belgilendi. Nur-Sultan qalasyndaǵy Veterinariia boiynsha ulttyq referenttik ortalyqta júrgizilgen zertteý nátijeleri boiynsha Aqjar aýdany Novoselsk aýyldyq okrýginde ornalasqan «Ak-Niet-Agro i K» JShS tiesili shalǵaidaǵy jaiylym aýmaǵynda iri qara mal arasynda sibir jarasy aýrýy tirkeldi. Infektsiia eki malda tabyldy. Jalpy aýrý anyqtalǵan oshaqta 677 iri qara mal bar.
«Infektsiia oshaǵy eldi mekenderden jáne janýarlardy ustaityn basqa da sharýashylyqtardan edáýir qashyqta ornalasqan. Shalǵaidaǵy jaiylymdardyń oqshaýlyǵy, sondai-aq aýyrý deńgeiiniń tómendigi arnaiy veterinariialyq is-sharalardy ýaqtyly jáne tolyq júrgizgen jaǵdaida aýrýdyń taralý jaǵdaiyn baqylaýǵa múmkindik beredi. Aýyldyq okrýg eldi mekenderiniń asa tyǵyz bolmaýynan olardyń arasyndaǵy epizootiialyq jáne sharýashylyq aralyq bailanystar az, bul sibir jarasynyń keń taralý aýqymyn azaitady», - delingen túsindirme jazbada.
