Soltústik Qazaqstan oblysy Sergeev qoimasynda qar erýine bailanysty sý deńgeii arnasynan 30 santimetrden asyp, oblysta mańyzy bar 10 jol ýchaskesin sý shaiyp ketti. Bul týraly SQO Tótenshe jaǵdai departamenti habarlady, dep jazady Azattyq agenttigi.
Departament oblystaǵy Qyzyl sý Aiyrtaý, Ǵabit Músirepov, Shal aqyn, Esil, Qyzyljar aýdanyna, Petropavl qalasyna tasqyn qaýpi tóndip turǵanyn málimdedi. Oblystyq ákimdiktiń habarlaýynsha, 3 sáýirde Qazaqstan ishki ister ministriniń orynbasary Iýrii Ilin oblystaǵy ózen-kólderdi tikushaqpen barlap shyqqan.
Qazgidromet mekemesiniń málimetinshe, biyl kóktemde Esil ózeniniń boiyndaǵy eldimekender tasqynnan zardap shegýi múmkin.
«Qazir Esil ózeninen qaýip tónip tur. Buǵan deiin 92 eldimekenge qaýip tónse, endi onyń 40 alyp tastańyz, sonda 50 shaqty qalady. Óitkeni 40 eldimeken erigen qar sýynyń azaiýyna bailanysty bul tizimnen shyǵarylady» dedi «Qazgidromet» mekemesiniń SQO filialynyń direktory Qymbat Mergalimova.
Biyl sý tasqyny 2019 jylmen salystyrǵanda erte bastaldy.
SQO tótenshe jaǵdai departamentiniń dereginshe, aimaqta sý tasqyny bolǵan jaǵdaida 484 adam, 155 tehnika, 72 motopompa jáne 8 júzý quraly bar.
