سولتٷستٸك قازاقستان وبلىسى سەرگەەۆ قويماسىندا قار ەرۋٸنە بايلانىستى سۋ دەڭگەيٸ ارناسىنان 30 سانتيمەتردەن اسىپ, وبلىستا ماڭىزى بار 10 جول ۋچاسكەسٸن سۋ شايىپ كەتتٸ. بۇل تۋرالى سقو تٶتەنشە جاعداي دەپارتامەنتٸ حابارلادى, دەپ جازادى ازاتتىق اگەنتتٸگٸ.
دەپارتامەنت وبلىستاعى قىزىل سۋ ايىرتاۋ, عابيت مٷسٸرەپوۆ, شال اقىن, ەسٸل, قىزىلجار اۋدانىنا, پەتروپاۆل قالاسىنا تاسقىن قاۋپٸ تٶندٸپ تۇرعانىن مەلٸمدەدٸ. وبلىستىق ەكٸمدٸكتٸڭ حابارلاۋىنشا, 3 سەۋٸردە قازاقستان ٸشكٸ ٸستەر مينيسترٸنٸڭ ورىنباسارى يۋريي يلين وبلىستاعى ٶزەن-كٶلدەردٸ تٸكۇشاقپەن بارلاپ شىققان.
قازگيدرومەت مەكەمەسٸنٸڭ مەلٸمەتٸنشە, بيىل كٶكتەمدە ەسٸل ٶزەنٸنٸڭ بويىنداعى ەلدٸمەكەندەر تاسقىننان زارداپ شەگۋٸ مٷمكٸن.
«قازٸر ەسٸل ٶزەنٸنەن قاۋٸپ تٶنٸپ تۇر. بۇعان دەيٸن 92 ەلدٸمەكەنگە قاۋٸپ تٶنسە, ەندٸ ونىڭ 40 الىپ تاستاڭىز, سوندا 50 شاقتى قالادى. ٶيتكەنٸ 40 ەلدٸمەكەن ەرٸگەن قار سۋىنىڭ ازايۋىنا بايلانىستى بۇل تٸزٸمنەن شىعارىلادى» دەدٸ «قازگيدرومەت» مەكەمەسٸنٸڭ سقو فيليالىنىڭ ديرەكتورى قىمبات مەرگاليموۆا.
بيىل سۋ تاسقىنى 2019 جىلمەن سالىستىرعاندا ەرتە باستالدى.
سقو تٶتەنشە جاعداي دەپارتامەنتٸنٸڭ دەرەگٸنشە, ايماقتا سۋ تاسقىنى بولعان جاعدايدا 484 ادام, 155 تەحنيكا, 72 موتوپومپا جەنە 8 جٷزۋ قۇرالى بار.
