Soltústik Qazaqstan oblysyndaǵy Mamliýt sanatorlyq mektep-internatynyń tórt oqýshysynda koronavirýs infektsiiasy anyqtaldy, dep habarlaidy "Ult aqparat".
SQO Taýarlar men kórsetiletin qyzmetterdiń sapasy men qaýipsizdigin baqylaý departamenti baspasóz qyzmetiniń málimetinshe, 25 qazan kúni Mamliýt sanatorlyq mektep-internatynyń 1 jáne 9 synyp oqýshylary arasynda KVI-ǵa zerthanalyq zertteý júrgizilgen. Nátijesinde eki oqýshyda qaýipti infektsiianyń barlyǵy anyqtaldy.
Al 2004 jáne 2014 jyldary týǵan balalarda oblystyq kópsalaly balalar aýrýhanasynyń infektsiialyq bólimshesine emdeýge jatqyzý kezinde anyqtaldy. Olar emdeý mekemesine jiti respiratorlyq virýstyq infektsiia jáne enterovirýstyq infektsiia belgilerimen túsken edi.
«Qazirgi ýaqytta naýqastar men bailanysta bolǵandardyń jaǵdaiy qanaǵattanarlyq, aýyryp qalǵan balalar statsionarda emdelip jatyr. Epidemiologiialyq tekserý kezinde 17 adamnyń bailanysta bolǵany anyqtaldy. Olardyń barlyǵy meditsinalyq baqylaýǵa alyndy. Oshaqta qorytyndy dezinfektsiia júrgizildi», - delingen baspasóz habarlamasynda.
SQO-da 1 qyrkúiek pen 29 qazan aralyǵynda oqýshylar arasynda koronavirýs juqtyrýdyń 32 jaǵdaiy tirkeldi, onyń ishinde 17 jaǵdaida ǵana balalar shtattyq rejimde oqyǵan.
