kórneki sýret: ashyq derekkózden
QMA Soltústik Qazaqstan oblysy boiynsha departamentiniń qyzmetkerleri "Aýyl – El besigi" memlekettik baǵdarlamasy boiynsha asa iri kólemde biýdjet qarajatyn jymqyrý deregin anyqtady, - dep habarlaidy "Ult aqparat" vedomstvonyń baspasóz qyzmetine silteme jasap.
"Jol tósemi bolmai turyp, paidalanýǵa berý týraly qujattarǵa qol qoiyldy. Josparlanǵan 53,5 shaqyrym joldyń 27 shaqyrymy joq. Keltirilgen shyǵyn kólemi shamamen 450 million teńge bolady. Ǵ.Músirepov atyndaǵy aýdanda jol salý kezinde jymqyrý deregi boiynsha qozǵalǵan qylmystyq isti tergeý nátijesinde urlyqqa qatysy bar tulǵalar anyqtaldy", - delingen habarlamada.
QMA málimetinshe, is sotqa jiberilgen.
"Jergilikti turǵyndar úshin bul joldyń salynýy oblys ortalyǵynan shalǵai ornalasqandyqtan áleýmettik mańyzy bar. QMA Soltústik Qazaqstan oblysy boiynsha departamentiniń osyndai jumystardy júrgizýi qazirgi ýaqytta keibir ýchaskeleri jumys istep turǵan tas jol qurylysyn qalpyna keltirýge múmkindik berdi", - delingen vedomstvo habarlamasynda.
