Foto: Pexels.com
Soltústik Qazaqstan oblysynyń Sergeevka qalasyndaǵy mektepte 10 jeltoqsan kúni sabaq ústinde tótenshe jaǵdai boldy. Himiia pániniń muǵalimi 9-synyp oqýshylaryna tájiribe kórsetip jatqan kezde kenetten jarylysqa uqsas «hlopok» bolyp, ustazdyń kiimi otqa oranǵan, dep habarlaidy Ult.kz HALYQSTAN Telegram kanalyna silteme jasap.
Oqýshylar birden áreket etip, muǵalimniń ústindegi jalyndy sóndirip úlgerdi. Balalardyń eshqaisysy zardap shekken joq. Al 24 jastaǵy muǵalimniń beti, kókirek tusy jáne qoldary kúiip, oǵan ekinshi dárejeli kúiik diagnozy qoiyldy. Alda ony uzaq ońaltý kezeńi kútip tur.
Bastapqyda muǵalim dárigerlerge úide, pesh jaǵyp jatyp kúiip qalǵanyn aitqan. Degenmen jedel járdem jýrnalynda oqiǵa orny K. Salyqov atyndaǵy orta mektep dep naqty kórsetilgen. Bul politsiianyń kúdigin týǵyzdy.
SQO PD baspasóz qyzmetiniń habarlaýynsha, tekseris barysynda oqiǵanyń sabaq kezinde himiialyq eksperiment jasaý barysynda bolǵany anyqtaldy.
– Oqýshynyń qatysýymen jalyn dereý sóndirilgen. Muǵalim qaýipsizdik talaptaryn saqtamaǵan, – dep málimdedi vedomstvo.
Bilim basqarmasy da oqiǵa rastalǵan soń qyzmettik tekseris bastaǵan.
– Tekserý qorytyndysy boiynsha mektep direktorynyń mindetin atqarýshy tártiptik jaýapkershilikke tartyldy. Al himiia muǵalimi jumysqa shyqqannan keiin qaýipsizdik erejelerin buzǵany úshin jazalanady, – dep habarlady basqarma.
Oqiǵadan keiin óńirdegi barlyq mektepte qosymsha qaýipsizdik jáne órt qaýipsizdigi boiynsha nusqaýlyqtar ótkizilgen. Sonymen qatar eńbek inspektsiiasy da bul jaǵdaiǵa quqyqtyq baǵa berip, eńbek qaýipsizdiginiń saqtalýyn tekseredi.
