فوتو: Pexels.com
سولتٷستٸك قازاقستان وبلىسىنىڭ سەرگەەۆكا قالاسىنداعى مەكتەپتە 10 جەلتوقسان كٷنٸ ساباق ٷستٸندە تٶتەنشە جاعداي بولدى. حيمييا پەنٸنٸڭ مۇعالٸمٸ 9-سىنىپ وقۋشىلارىنا تەجٸريبە كٶرسەتٸپ جاتقان كەزدە كەنەتتەن جارىلىسقا ۇقساس «حلوپوك» بولىپ, ۇستازدىڭ كيٸمٸ وتقا ورانعان, دەپ حابارلايدى Ult.kz HALYQSTAN تەلەگرام كانالىنا سٸلتەمە جاساپ.
وقۋشىلار بٸردەن ەرەكەت ەتٸپ, مۇعالٸمنٸڭ ٷستٸندەگٸ جالىندى سٶندٸرٸپ ٷلگەردٸ. بالالاردىڭ ەشقايسىسى زارداپ شەككەن جوق. ال 24 جاستاعى مۇعالٸمنٸڭ بەتٸ, كٶكٸرەك تۇسى جەنە قولدارى كٷيٸپ, وعان ەكٸنشٸ دەرەجەلٸ كٷيٸك دياگنوزى قويىلدى. الدا ونى ۇزاق وڭالتۋ كەزەڭٸ كٷتٸپ تۇر.
باستاپقىدا مۇعالٸم دەرٸگەرلەرگە ٷيدە, پەش جاعىپ جاتىپ كٷيٸپ قالعانىن ايتقان. دەگەنمەن جەدەل جەردەم جۋرنالىندا وقيعا ورنى ك. سالىقوۆ اتىنداعى ورتا مەكتەپ دەپ ناقتى كٶرسەتٸلگەن. بۇل پوليتسييانىڭ كٷدٸگٸن تۋعىزدى.
سقو پد باسپاسٶز قىزمەتٸنٸڭ حابارلاۋىنشا, تەكسەرٸس بارىسىندا وقيعانىڭ ساباق كەزٸندە حيمييالىق ەكسپەريمەنت جاساۋ بارىسىندا بولعانى انىقتالدى.
– وقۋشىنىڭ قاتىسۋىمەن جالىن دەرەۋ سٶندٸرٸلگەن. مۇعالٸم قاۋٸپسٸزدٸك تالاپتارىن ساقتاماعان, – دەپ مەلٸمدەدٸ ۆەدومستۆو.
بٸلٸم باسقارماسى دا وقيعا راستالعان سوڭ قىزمەتتٸك تەكسەرٸس باستاعان.
– تەكسەرۋ قورىتىندىسى بويىنشا مەكتەپ ديرەكتورىنىڭ مٸندەتٸن اتقارۋشى تەرتٸپتٸك جاۋاپكەرشٸلٸككە تارتىلدى. ال حيمييا مۇعالٸمٸ جۇمىسقا شىققاننان كەيٸن قاۋٸپسٸزدٸك ەرەجەلەرٸن بۇزعانى ٷشٸن جازالانادى, – دەپ حابارلادى باسقارما.
وقيعادان كەيٸن ٶڭٸردەگٸ بارلىق مەكتەپتە قوسىمشا قاۋٸپسٸزدٸك جەنە ٶرت قاۋٸپسٸزدٸگٸ بويىنشا نۇسقاۋلىقتار ٶتكٸزٸلگەن. سونىمەن قاتار ەڭبەك ينسپەكتسيياسى دا بۇل جاعدايعا قۇقىقتىق باعا بەرٸپ, ەڭبەك قاۋٸپسٸزدٸگٸنٸڭ ساقتالۋىن تەكسەرەدٸ.
