Foto: pixabay
Soltústik Qazaqstan oblysynda abaisyzda adam óltirý deregine qatysty burynǵy ýchaskelik inspektor ustaldy, - dep habarlaidy Tengrinews.kz.
Oblys prokýratýrasy málimetinshe, 11 shildede Jambyl aýdandyq aýrýhanasynda Baýman aýylynyń 51 jastaǵy turǵyny oq jaraqatynan qaza bolǵan.
"Jábirlenýshiniń 65 jastaǵy aýyldasy ustaldy, onyń áreketi "Abaisyzda adam ólimine ákep soqqan áreket" jáne "Zańsyz atys qarýyn saqtaý" baptary boiynsha saraptalǵan", - delingen habarlamada.
Sonymen qatar, QR QK-niń 370-baby 4-bóligi "Qyzmettegi áreketsizdik" boiynsha Jambyl aýdany, Ozernoe aýyly ýchaskelik politsiia bóliminiń burynǵy ýchaskelik inspektory qylmystyq teris qylyq jasady degen kúdikpen ustalyp, ýaqytsha ustaý izoliatoryna qamalǵan.
"Aldyn ala anyqtalǵan málimet boiynsha, kúdikti politsiia qyzmetkeri bola otyryp, qylmys jasaǵan adamnyń janynda bola tura qylmystyq quqyq buzýshylyqtardyń aldyn alý boiynsha óziniń laýazymdyq mindetteriniń sheńberine kiretin áreketterdi jasamaǵan", - dedi prokýratýra ókilderi.
Oblys politseileri jedel-izdestirý sharalaryn júrgizip jatyr, sot-meditsinalyq saraptamalar taǵaiyndaldy, tergeý nátijeleri boiynsha kúdiktilerdiń is-áreketterine qorytyndy saraptaýlar beriledi.
Eske salaiyq, Soltústik Qazaqstan oblysynda ormanda jidek terip júrgen áiel oqqa ushqan bolatyn. 51 jastaǵy turǵyndy ań aýlaýǵa shyqqan azamat baiqamai atyp tastaǵany habarlanǵan edi.
