Soltústik Qazaqstan oblysynyń politseileri «Lishennik» jedel-profilaktikalyq is-sharasy aiasynda jumys istedi. Bul kúnderi júrgizýshilik tártipti nyǵaitý jáne kólik júrgizý quqyǵynan aiyrylǵan júrgizýshilerdiń kólik júrgizý faktilerine jol bermeý jónindegi jumys kúsheitildi, – dep habarlaidy «Ult aqparat».
SQO PD Jergilikti politsiia qyzmeti basqarmasynyń bastyǵy politsiia podpolkovnigi Aidyn Baimatovtyń aitýynsha, atalǵan bes kún ishinde oblysta júrgizý quqyǵynan aiyrylǵan adamdardyń kólik júrgizýiniń 46 faktisi anyqtalǵan.
Ustalǵan júrgizýshilerdiń kópshiligi mas kúiinde kólik júrgizgeni úshin júrgizýshi kýáliginen aiyrylǵandar bolyp otyr. Esterińizge sala ketsek, buǵan deiin mundai quqyq buzýshylyq jasaǵany úshin júrgizýshige úsh jyl boiy kólik júrgizýge tyiym salynǵan bolatyn. Biylǵy jyly zańnamamen jaza qatańdatyldy, endi olar mas kúide kólik júrgizgeni úshin 7 jyl kólik quralyn basqara almaidy. Sondai-aq, qarsy baǵyttaǵy jolaqqa shyqqany jáne jol-kólik oqiǵasyn jasaǵany úshin júrgizý kýáliginen aiyrylady.
Ákimshilik yqpal etý sharalary júrgizýshilerdi tártipke shaqyra bermeitinin faktiler kórsetip otyr. Mundai jol qozǵalysyna qatysýshylarǵa QR ÁQtK 612-babynda kózdelgen jaza qoldanylady. Beskól aýylynyń 49 jastaǵy turǵyny 10 táýlikke qamaýǵa alyndy. Ol mas kúiinde kólik quralyn basqarǵany úshin júrgizýshi kýáliginen aiyrylsa da rólge otyrǵan.
Máselen, 14 qarasha Shal aqyn aýdany PB patrýldik politsiia qyzmetkerlerimen dalaly jolda Sýhorabovka a. 30 jasar turǵynynyń masań kúide kólik quralyn basqarý faktisi anyqtaldy.
Meditsinalyq kýálandyrý aktisi júrgizýshiniń alkogoldik masań kúide ekendigin kórsetti.
Ol 2018 jyly Aqmola oblysynyń Býrabai aýdandyq sotymen úsh jylǵa kólik quralyn basqarý quqyǵynan aiyrylǵan eken. Alaida bul oqiǵa oǵan sabaq bolmaǵan siiaqty. Zańdy elemei ol rólge qaita otyrǵan.
2020 jylǵy qańtardan QR Qylmystyq kodeksine ózgerister engizildi: 346-baptaǵy qylmystyq teris qylyq sanaty quqyq buzýshylyq sanatyna ózgertildi. Zańdy qatańdatý, ishimdikke toiyp alyp, rólge otyratyndardyń tarapynan adamdardyń ómirine qaýip tóndirýmen tikelei bailanysty.
2020 jylǵy qyrkúiekte aýyldyq Soltústik Qazaqstan oblysy Shal aqyn aýdandyq sotynyń sheshimimen QR QK 346-babynyń 1-b. ómir boiyna kólik quralyn basqarý quqyǵynan aiyryla otyra, 2 jylǵa bas bostandyǵynan aiyrý jazasyna kesildi.
Endi mine, eki ai óter-ótpesten qaita ustaldy, taǵy da masań kúide...
Shal aqyn aýdanynyń tergeý sýdiasy kúdiktige qatysty eki aiǵa qamaqqa alý túrindegi bultartpaý sharasyn sanktsiialady. QR QPK 128-baby tártibimen ol ustalyp, Shal aqyn aýdanynyń PB ÝUI qamaldy. Osy jáne basqa da kóptegen jaǵdailardan ózge de jol qozǵalysyna qatysýshylardyń da, kámeletke tolmaǵan balalary bar óz otbasynyń aldynda da jaýapkershilikti sezinbeitin úrdis baiqalady. Jyl basynan QR Qylmystyq kodeksiniń 346-baby «Kólik quraldaryn basqarý quqyǵynan aiyrylǵan, alkogoldik, esirtkilik masań kúidegi adamnyń kólik quralyn basqarýy» boiynsha Sotqa deiingi tergep-tekserýlerdiń biryńǵai tizilimine 69 material engizildi. Eki qaskói quqyq buzýshyǵa qatysty «qamaqqa alý» bultartpaý sharasy tańdaldy.
Esterińizge sala keteiik, Soltústik Qazaqstan oblysynyń politseileri «Lishennik» jedel-profilaktikalyq is-sharasy aiasynda jumys istedi. «Bul kúnderi júrgizýshilik tártipti nyǵaitý jáne kólik júrgizý quqyǵynan aiyrylǵan júrgizýshilerdiń kólik júrgizý faktilerine jol bermeý jónindegi jumys kúsheitildi. SQO PD Jergilikti politsiia qyzmeti basqarmasynyń bastyǵy politsiia podpolkovnigi Aidyn Baimatovtyń aitýynsha, atalǵan bes kún ishinde oblysta júrgizý quqyǵynan aiyrylǵan adamdardyń kólik júrgizýiniń 46 faktisi anyqtalǵan.
