Soltústik Qazaqstan oblysynda koronavirýs infektsiiasyna bailanysty karantinge jabylǵan eldi mekender sany 11-ge jetti, dep habarlaidy "Ult aqparat".
SQO Sanitariialyq-epidemiologiialyq baqylaý departamenti baspasóz qyzmetiniń málimetinshe, óńirde bes aýdannyń 11 eldi mekeni koronavirýs infektsiiasyn juqtyrǵandar sanynyń ósýine bailanysty karantinge jabylǵan. Olar: Petropavl qalasy, Esil aýdanyndaǵy Nikolaevka, Petrovka eldi mekenderi, Qyzyljar aýdanynyń ortalyǵy Beskól aýyly, M.Jumabaev aýdanynyń ortalyǵy Býlaev qalasy, Taiynsha aýdanynyń ortalyǵy Taiynsha qalasy, Ýálihanov aýdanynyń ortalyǵy Kishkenekól aýyly.
3 jeltoqsannan bastap júrip-turý shektelgen eldi mekenderdiń qataryna Esil aýdanynyń Iasnovka, al 4 jeltoqsannan bastap Maǵjan Jumabaev aýdanynyń Tamanskoe, Ýspenka aýyldary endi. 7 jeltoqsannan bastap Esil aýdanynyń ortalyǵy Iavlenka karantinge jabylmaq.
Buǵan deiin shekteý sharalary engizilgen Ýálihanov aýdanynyń Aqbulaq aýylynan 3 jeltoqsan kúni karantin alyndy.
Jalpy SQO-da koronavirýs infektsiiasyn juqtyrý jaǵdailary birshama tómendegen. Osydan shamamen bir apta buryn aýyrǵandar sany júzden asyp ketse, keshegi táýlikte KVI juqtyrýdyń 68 jaǵdaiy tirkeldi. Onyń teń jartysynda adamdar dárigerlerge aýyryp qaralǵan.
Jalpy SQO-da KVI-men aýyrǵan 7014 adam tirkeldi.
