سولتٷستٸك قازاقستان وبلىسىندا كوروناۆيرۋس ينفەكتسيياسىنا بايلانىستى كارانتينگە جابىلعان ەلدٸ مەكەندەر سانى 11-گە جەتتٸ, دەپ حابارلايدى "ۇلت اقپارات".
سقو سانيتارييالىق-ەپيدەميولوگييالىق باقىلاۋ دەپارتامەنتٸ باسپاسٶز قىزمەتٸنٸڭ مەلٸمەتٸنشە, ٶڭٸردە بەس اۋداننىڭ 11 ەلدٸ مەكەنٸ كوروناۆيرۋس ينفەكتسيياسىن جۇقتىرعاندار سانىنىڭ ٶسۋٸنە بايلانىستى كارانتينگە جابىلعان. ولار: پەتروپاۆل قالاسى, ەسٸل اۋدانىنداعى نيكولاەۆكا, پەتروۆكا ەلدٸ مەكەندەرٸ, قىزىلجار اۋدانىنىڭ ورتالىعى بەسكٶل اۋىلى, م.جۇماباەۆ اۋدانىنىڭ ورتالىعى بۋلاەۆ قالاسى, تايىنشا اۋدانىنىڭ ورتالىعى تايىنشا قالاسى, ۋەليحانوۆ اۋدانىنىڭ ورتالىعى كٸشكەنەكٶل اۋىلى.
3 جەلتوقساننان باستاپ جٷرٸپ-تۇرۋ شەكتەلگەن ەلدٸ مەكەندەردٸڭ قاتارىنا ەسٸل اۋدانىنىڭ ياسنوۆكا, ال 4 جەلتوقساننان باستاپ ماعجان جۇماباەۆ اۋدانىنىڭ تامانسكوە, ۋسپەنكا اۋىلدارى ەندٸ. 7 جەلتوقساننان باستاپ ەسٸل اۋدانىنىڭ ورتالىعى ياۆلەنكا كارانتينگە جابىلماق.
بۇعان دەيٸن شەكتەۋ شارالارى ەنگٸزٸلگەن ۋەليحانوۆ اۋدانىنىڭ اقبۇلاق اۋىلىنان 3 جەلتوقسان كٷنٸ كارانتين الىندى.
جالپى سقو-دا كوروناۆيرۋس ينفەكتسيياسىن جۇقتىرۋ جاعدايلارى بٸرشاما تٶمەندەگەن. وسىدان شامامەن بٸر اپتا بۇرىن اۋىرعاندار سانى جٷزدەن اسىپ كەتسە, كەشەگٸ تەۋلٸكتە كۆي جۇقتىرۋدىڭ 68 جاعدايى تٸركەلدٸ. ونىڭ تەڭ جارتىسىندا ادامدار دەرٸگەرلەرگە اۋىرىپ قارالعان.
جالپى سقو-دا كۆي-مەن اۋىرعان 7014 ادام تٸركەلدٸ.
