Soltústik Qazaqstan oblysynda Aqqaiyń aýdanynyń ákimi qonys aýdarýshylarǵa arnalǵan úilerdiń nashar sapasy úshin jazalandy, dep habarlaidy "Ult aqparat".
SQO ákimi Qumar Aqsaqalovtyń tapsyrmasymen Aqqaiyń aýdanynda júrgizilgen qyzmettik tekserý aiaqtaldy. Tekserý jumys kúshi kóp óńirlerden qonys aýdarýshylarǵa arnalǵan jeke turǵyn úilerdiń sapasyna qatysty ótti. Nátijesinde baspana qurylysynda jiberilgen olqylyqtar ýaqytynda joiylmaǵany úshin aýdan ákimi Rýstem Elýbaev qatań sógis aldy. Jańadan salynǵan úilerde tabylǵan olqylyqtar belgilengen merzimde joiylýy qajet.
Resmi málimette, óńir basshysynyń aýdan ákimderi men memlekettik organdardyń basshylaryna jaýapkershilikti eske salyp, qyzmetterinen bosatylatyndyǵyn eskertkendigi aitylǵan.
Buǵan deiin Aqqaiyń aýdanyna ońtústik óńirlerden kóship kelgen turǵyndar áleýmettik jelide úileriniń sapasyz salynǵanyn, sýyq ekenin aityp shaǵymdanǵan edi. Sózderine qaraǵanda, aýdan ákimi olardyń máselesine mán bermegen.
