Soltústik Qazaqstan oblysynda koronavirýs infektsiiasyn juqtyrǵandar sanynyń artýyna bailanysty birqatar nysandardyń jumysyna shekteý qoiylyp, saýda, qyzmet kórsetý oryndarynyń jáne aýylaralyq qoǵamdyq kóliktiń jumys kestesine ózgerister engizildi, dep habarlaidy "Ult aqparat".
SQO taýarlar men kórsetiletin qyzmetterdiń sapasyn baqylaý departamentiniń basshysy Serikbai Qasmaqasovtyń aitýynsha, sońǵy aptada COVID-19 juqtyrǵandar sany birden 7% artqan. Osyǵan bailanysty búgin oblystyń bas sanitar dárigeri shekteý sharalaryn kúsheitý jóninde qaýlyǵa qol qoidy.
SQO aýmaǵynda burynǵydai túrli buqaralyq, otbasylyq is-sharalardy ótkizýge tyiym bar. Dini nysandar bir mezette tek 30% ǵana tola alady. Fýd-korttar, kinoteatrlar, balalardyń saýyqtyrý jáne mektep janyndaǵy lagerlerdiń ashylýy keiinge qaldy.
«15 maýsymnan bastap túngi klýbtardyń, boýling ortalyqtardyń, biliard, karaoke, túngi, kompiýterlik klýbtardyń, fitnes, trenajerlik ortalyqtardyń jumysy toqtaidy. Batýttardy qurýǵa tyiym salynady. Qoǵamdyq tamaqtaný oryndary saǵat 10.00-22.00 aralyǵynda jumys istep, mundaǵy adam sany 50-den aspaýy kerek, sonyń ishinde túrli is-sharalardy ótkizýge ruqsat joq. Barlyq saýda oryndary tek saǵat 20.00-ge deiin ǵana jumys isteidi», - dedi onlain túrde ótken brifing barysynda Serikbai Qasmaqasov.
Aýylaralyq qoǵamdyq kólik te endi saǵat 6.30-21.30 aralyǵynda ǵana jumys istemek. Adamdar sany otyratyn oryndardan aspai, barlyǵy maska kiiýge mindetti.
«Memlekettik organdardyń, ulttyq kompaniialar men basqa da keńselerdiń qyzmetkerleri, shtattyq keste boiynsha qyzmetkerler sany 30-dan asqan jaǵdaida 80% qashyqtan jumys isteýge kóshýi tiis. Halyqqa qyzmet kórsetý ortalyqtary da onlain formatqa kóshedi. Al qashyqtan kórsetýge kelmeitin qyzmet túrlerin tek saǵat 10.00 men 20.00 aralyǵynda ǵana alý múmkin bolady», - dedi oblystyń bas sanitar dárigeri.
Serikbai Qasmaqasovtyń aitýynsha, balabaqshalarda tek «kezekshi» toptar ǵana jumys isteitin bolady. Qaýipti indet tabylǵan jaǵdaida naýqas anyqtalǵan eldi mekender, uiymdar men nysandar bas sanitarlyq dárigerlerdiń qaýlysyna sáikes jabylady.
Osyǵan bailanysty óńirdiń bas sanitar dárigeri SQO turǵyndaryn sanitarlyq talaptardy qatań oryndaýǵa, iaǵni qoǵamdyq orynda maska taǵyp, 2 metr araqashyqtyqty saqtaýǵa shaqyrdy.
