Foto: Atyraý oblystyq sybailas jemqorlyqqa qarsy is-qimyl departamenti
SQO mádeniet, tilderdi damytý jáne arhiv isi basqarmasynyń basshysy Sanat Áýbákirovtyń aitýynsha, byltyr Aqjar, Esil jáne Timiriazev aýdandarynda eki aýyldyq klýb, eki mádeni-saýyqtyrý ortalyǵy jáne bir mádeni-demalys ortalyǵy salyndy, dep habarlaidy Ult.kz Kazinform-ǵa silteme jasap.
- Turǵyn sany 800-den asatyn aýyldyq eldi mekenderde mádeni-demalys ortalyqtary bolýy tiis. Óńirde osyndai 13 aýylda mádeni nysan joq. Máselen Aiyrtaý aýdanynyń Imantaý aýylynda 1809 adam jáne Lobanov eldi mekeninde 1096 adam, Aqqaiyń aýdany Tokýshi aýylynda 1681 adam, Qyzyljar aýdany Báiterek aýylynda 1709 adam turady.
Osyǵan bailanysty aýdan ákimdikteri atalǵan eldi mekenderde mádeniet nysanyn salý máselelerin sheshýi qajet, - deidi basqarma basshysy.
Qazirgi ýaqytta Aqqaiyń, Aiyrtaý jáne Shal aqyn aýdandarynda 5 mádeniet nysanyn salýǵa jáne Jambyl aýdanynda 2 nysandy qaita jańartýǵa jobalyq-smetalyq qujat ázirlengen. Aiyrtaý aýdany Imantaý aýylynda klýbty salýǵa ǵana 803,4 mln teńge qajet.
Mamannyń aitýynsha, qazirgi ýaqytta aýyldyq jerde 262 klýbtyq uiym jumys isteidi, 215 myń adamdy nemese aýyl halqynyń 80% qamtyǵan.
Oblystyń klýbtyq mekemelermen qamtamasyz etilýi 41,8%, onyń 171 - memlekettik, 93 - basqa menshik nysandary.
- Búginde oblystyń eldi mekenderin mádeniet nysandarymen qamtamasyz etý - 59%. Mádeniet nysandarynyń sanyn kóbeitý boiynsha júieli jumystar júrgizilip jatyr.
Byltyr salaǵa 14,4 mlrd teńge bólindi, biyl da shamamen sol mejede.
Eki jyl ishinde 46 mádeniet nysany jóndeldi. Biyl taǵy 12-sin jónge keltiremiz, taǵy 6 nysan qosymsha qajettilikke engizilgen, - deidi Sanat Áýbákirov.
Buǵan deiin SQO-da 350-ge jýyq aýyl-kóshe ataýy aýystyrýdy qajet etetindigin jazǵan edik.
