Foto: Moskva 24/Igor Ivanko
Qaiǵyly oqiǵa Qyzyljar aýdanyndaǵy Nadejka aýylynda oryn aldy. Soltústik Qazaqstan oblysy PD málimetinshe aýylda eki bala ýlanyp qaitys boldy, taǵy úsh týysy qazir aýrýhanada jatyr.
«Bul derek sotqa deiingi tergep-tekserýdiń biryńǵai tizilimine «Abaisyzda adamdardyń jappai ýlanýyna jáne eki nemese odan da kóp adamnyń ólimine ákep soqtyrǵan sanitarlyq erejeler men gigienalyq normalardy buzý» baby boiynsha tirkeldi», – dep habarlady Soltústik Qazaqstan oblystyq politsiiasy.
Oblystyq densaýlyq saqtaý basqarmasy zardap shekkenderdiń jaǵdaiy aýyr ekenin túsindirdi. Aldymen úsh jasar bala, keiin jeti jasar qyz qaitys boldy.
«Qazir anasy 1996 jyly dúniege kelgen jáne 2014 jyly týǵan bala kópsalaly oblystyq aýrýhanada jatyr. Ákesiniń aitýynsha, olar jergilikti dúkennen tushpara men koka-kolany tutynǵan», – dep habarlady vedomstvodan. Sanitarlyq dárigerler ónimniń synamasyn alyp, sot-meditsinalyq saraptamasyn júrgizip jatyr.
