Soltústik Qazaqstan oblysynda biylǵy 10 aida 4 967 adam dúniege else, 5 845 adam qaitys bolǵan, dep habarlaidy QazAqparat.
Ulttyq statistika biýrosy SQO boiynsha departamenttiń málimetinshe, biyl óńirde 4 967 sábi dúniege kelse, sonyń 41,6 %-y Petropavlda týǵan.
Nárestelerdiń 2 605-i ul, 2 362-si qyz. Demografiialyq kórsetkish boiynsha Ýálihanov, Shal aqyn jáne Jambyl aýdandary alda keledi.
Eń tómen bala týý kórsetkishi M.Jumabaev aýdanynda. 2021 jyldyń qańtar-qyrkúiek aralyǵynda 5 845 adam qaitys boldy.
Onyń 19,8 %-y tynys alý músheleri aýrýynan, 14,7 %-ynda qan ainalymy júiesi, 7,3 %-y asqorytý músheleri aýrýlarynan jáne qaterli isikten jáne 6,7 %-ynda jazataiym oqiǵalardan, ýlaný men jaraqattanýdan kóz jumǵan.
Jalpy biyl 2 648 neke qiylǵan, bul – ótken jylmen salystyrǵanda shamamen 24 %-ǵa joǵary. 544 otbasy ajyrasqan.
Biyl toǵyz aidyń ishinde ótken jyldyń osy aralyǵymen salystyrǵanda qonys aýdarýshylar sany 12,4 %-ǵa tómendegen. Kóship ketkender sany 0,5 %-ǵa artqan.
Qonys aýdarý negizinen el ishindegi migratsiiamen bailanysty. Aimaqtar arasyndaǵy migratsiia boiynsha teris saldo ótken jylmen salystyrǵanda 30,9 %-ǵa kóbeigen.
TMD elderinen keletin immigranttar sany ótken jylmen salystyrǵanda 22,6%-ǵa, álemniń basqa elderinen 64,4%-ǵa kemigen. Al TMD elderine emigratsiia 4,8 %-ǵa zaisa, álemniń basqa elderine qonys aýdarǵandar sany 33,1 %-ǵa artyp otyr.
Osylaisha SQO turǵyndarynyń sany búginde 539,4 myń adamǵa jetti. Onyń 252,9 myńy – qalada turady.
