Soltústik Qazaqstan oblysynda eginniń 86,1 paiyzy destelendi, biyl diqandar ár gektardan orta eseppen 11 tsentnerge jýyq ónim alyp jatyr, dep habarlaidy QazAqparat.
SQO aýyl sharýashylyǵy jáne jer qatynastary basqarmasy baspasóz qyzmetiniń málimetinshe, biyl barlyq egistik aýmaǵy 4,3 mln ga alyp jatyr.
Egis alqaptaryn ártaraptandyrý nátijesinde kóktemde shamamen 1 mln ga maily daqyl egildi.
2,9 mln ga bidai men dándi-burshaqty daqyldar sebilse, qalǵanyna kartop pen basqa da kókónis otyrǵyzylǵan.
«Qazirgi ýaqytta egin oraǵy qyzǵan, diqandar ashyq kúnderdi paidalanyp jatyr. Búginge deiin bidai men dándi-burshaqty daqyldardyń 2 578,9 myń ga nemese 86,1 %-y oryldy. Onyń 74,1 %-y bastyrylyp, 2 475,5 myń tonna ónim alyndy. Gektar shyǵymdylyǵy orta eseppen 10,7 tsentner», - deidi SQO aýyl sharýashylyǵy jáne jer qatynastary basqarmasynyń bas mamany Narǵyz Aqjigitova.
Kúzgi oraq naýqanynda 7 156 kombaiyn jumys istep jatyr.
Onyń 4 myńǵa jýyǵynyń ónimdiligi joǵary, sondai-aq alqap basynda destelegishi bar 4 800-ge jýyq tehnika júr.
Biylǵy ónimdi ysyrapsyz jinap alýǵa qosymsha 12 800 traktor, 9 600 traktor tirkemesi jáne 6 myńǵa jýyq júk kóligi tartyldy.
