Foto: Pexels.com
Soltústik Qazaqstan oblysynyń Aiyrtaý aýdanynda bilim bólimi býhgalteriniń biýdjet qarajatyn urlaý deregi boiynsha qylmystyq is sot úkimimen aiaqtaldy, dep habarlaidy Ult.kz.
Prokýratýra organdarynyń málimetinshe, laýazymdy tulǵa 2021 jyldyń qańtarynan 2024 jyldyń sáýirine deiin aýdan mektepteri qyzmetkerleriniń atyna jalǵan jalaqy aýdaryp, 39,8 million teńge kóleminde qarajatty zańsyz iemdengen.
Atalǵan fakti boiynsha 2024 jyldyń 11 maýsymynda Qylmystyq kodekstiń 189-baby 4-bóliginiń 2-tarmaǵyna (senip tapsyrylǵan bóten múlikti iemdený nemese ysyrap etý) sáikes sotqa deiingi tergep-tekserý bastaldy.
2025 jyldyń 28 naýryzynda Aiyrtaý aýdandyq soty kúdiktini kináli dep tanyp, ony 7 jylǵa bas bostandyǵynan aiyrdy. Sonymen qatar, ol memlekettik jáne qarjy uiymdarynda materialdyq jaýapty laýazymdardy atqarý quqyǵynan da 7 jyl merzimge aiyryldy. Úkim zańdy kúshine endi. Zalal memleketke tolyq kólemde ótelgen.
Budan bólek, 2024 jyly engizilgen prokýrorlyq qadaǵalaý aktisiniń negizinde bólim basshysy da qyzmetinen bosatyldy.
