Soltústik Qazaqstan oblysynda internet-alaiaqtar aýyl turǵynyn aldap, onyń jiǵan-tergen 2 mln meńgesin jymqyrdy, dep habarlaidy "Ult aqparat".
SQO politsiia departamenti baspasóz qyzmetiniń málimetinshe, óńirde bir táýlikte úsh internet-alaiaqtyq tirkeldi. Sonyń birinde alaiaqtar «bankten habarlasyp turmyz» dep aldap, áieldiń 2 mln teńgesin qoldy etken.
«Esil aýdanynyń 54 jastaǵy turǵynyna, onyń bank shotyna qylmyskerler shabýyl jasap jatyr dep alaiaqtar qońyraý shalǵan, aqshany saqtap qalý úshin «rezervtegi depozitke» aýdarý kerek dep aitqan. Áiel aitylǵan shotqa 2 mln teńgege jýyq jiǵan aqshasyn aýdarǵan. Keiin ol banktiń call-ortalyǵyna júginip, bankten eshkim habarlaspaǵanyn biledi», - deidi Esil aýdandyq politsiia bólimi bastyǵynyń mindetin atqarýshy Saǵyndyq Jantemirov.
Atalǵan fakti QR Qylmystyq kodeksiniń 190-baby 2-bóligi «Alaiaqtyq» boiynsha sotqa deiingi tergep-tekserýlerdiń biryńǵai tizilimine engizildi.
«Mundai qylmystyń aldyn alý úshin aýdanda adamdar kóp jinalatyn oryndarda internet-alaiaqtardyń túrli tásilderi týraly eskertken broshiýralar men plakattar taratyldy. Banner ornalastyryldy. Ýchaskelik inspektorlar da únemi turǵyndarǵa aityp otyrady. Eskertýler BAQ-ta, áleýmettik jelilerdegi aýdandyq politsiia bóliminiń akkaýnttarynda jariialanyp turady. Adamdardy saq bolýǵa shaqyramyz. Jinaǵan aqshańyzǵa qaýip tónýi týraly «bankten shalynǵan qońyraýǵa» jaýap bermeńiz, sóilesýdi birden toqtatyńyz. Shottaryńyz ornynda ekendigine kóz jetkizý úshin bank bólimshesine baryńyz nemese resmi telefonǵa habarlasyńyz», - deidi Saǵyndyq Jantemirov.
