سولتٷستٸك قازاقستان وبلىسىندا ينتەرنەت-الاياقتار اۋىل تۇرعىنىن الداپ, ونىڭ جيعان-تەرگەن 2 ملن مەڭگەسٸن جىمقىردى, دەپ حابارلايدى "ۇلت اقپارات".
سقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, ٶڭٸردە بٸر تەۋلٸكتە ٷش ينتەرنەت-الاياقتىق تٸركەلدٸ. سونىڭ بٸرٸندە الاياقتار «بانكتەن حابارلاسىپ تۇرمىز» دەپ الداپ, ەيەلدٸڭ 2 ملن تەڭگەسٸن قولدى ەتكەن.
«ەسٸل اۋدانىنىڭ 54 جاستاعى تۇرعىنىنا, ونىڭ بانك شوتىنا قىلمىسكەرلەر شابۋىل جاساپ جاتىر دەپ الاياقتار قوڭىراۋ شالعان, اقشانى ساقتاپ قالۋ ٷشٸن «رەزەرۆتەگٸ دەپوزيتكە» اۋدارۋ كەرەك دەپ ايتقان. ەيەل ايتىلعان شوتقا 2 ملن تەڭگەگە جۋىق جيعان اقشاسىن اۋدارعان. كەيٸن ول بانكتٸڭ call-ورتالىعىنا جٷگٸنٸپ, بانكتەن ەشكٸم حابارلاسپاعانىن بٸلەدٸ», - دەيدٸ ەسٸل اۋداندىق پوليتسييا بٶلٸمٸ باستىعىنىڭ مٸندەتٸن اتقارۋشى ساعىندىق جانتەمٸروۆ.
اتالعان فاكتٸ قر قىلمىستىق كودەكسٸنٸڭ 190-بابى 2-بٶلٸگٸ «الاياقتىق» بويىنشا سوتقا دەيٸنگٸ تەرگەپ-تەكسەرۋلەردٸڭ بٸرىڭعاي تٸزٸلٸمٸنە ەنگٸزٸلدٸ.
«مۇنداي قىلمىستىڭ الدىن الۋ ٷشٸن اۋداندا ادامدار كٶپ جينالاتىن ورىنداردا ينتەرنەت-الاياقتاردىڭ تٷرلٸ تەسٸلدەرٸ تۋرالى ەسكەرتكەن بروشيۋرالار مەن پلاكاتتار تاراتىلدى. باننەر ورنالاستىرىلدى. ۋچاسكەلٸك ينسپەكتورلار دا ٷنەمٸ تۇرعىندارعا ايتىپ وتىرادى. ەسكەرتۋلەر باق-تا, ەلەۋمەتتٸك جەلٸلەردەگٸ اۋداندىق پوليتسييا بٶلٸمٸنٸڭ اككاۋنتتارىندا جارييالانىپ تۇرادى. ادامداردى ساق بولۋعا شاقىرامىز. جيناعان اقشاڭىزعا قاۋٸپ تٶنۋٸ تۋرالى «بانكتەن شالىنعان قوڭىراۋعا» جاۋاپ بەرمەڭٸز, سٶيلەسۋدٸ بٸردەن توقتاتىڭىز. شوتتارىڭىز ورنىندا ەكەندٸگٸنە كٶز جەتكٸزۋ ٷشٸن بانك بٶلٸمشەسٸنە بارىڭىز نەمەسە رەسمي تەلەفونعا حابارلاسىڭىز», - دەيدٸ ساعىندىق جانتەمٸروۆ.
