Soltústik Qazaqstan oblysynda Pfizer vaktsinasyn 800-ge jýyq adam qoidyrdy, basym bóligi – jasóspirimder, dep habarlaidy QazAqparat.
Petropavldaǵy emhanalarda Pfizer vaktsinasyn egetin arnaiy ekpe oryndary ashylǵan. Bul jerde jasóspirimder, júkti jáne bala emizetin áielder vaktsina alyp jatyr. Maqsat Qudrattollaev SQO kópbeiindi aýrýhananyń kardiologiialyq blogyn basqarady. Dáriger vaktsinatsiiaǵa zaiybyn jáne eki qyzyn ertip keldi.
«Koronavirýs juqtyrǵan naýqastarmen jumys istegendikten vaktsinatsiia bastalǵanda aldyńǵy qatarda ekpe aldym. Qaýipti infektsiiany úige ákelmeý úshin, otbasymdy qorǵaý úshin vaktsina qoidyrdym. Endi jasóspirimderge, júkti jáne emizýli balasy bar áielderge vaktsinatsiia bastalǵandyqtan eki qyzym jáne zaiybymmen keldim. Óitkeni vaktsina alǵannan keiin óziń aýyrmasań da, sen infektsiiany tasymaldaýshy bolýyń múmkin. Sondyqtan koronavirýstan qorǵaný úshin osyndai sheshim qabyldadyq. Zaiybym bala emizedi, 1,5 jasar ulymyz bar. Eki qyzym 12 jastan asqan», - deidi dáriger.
Qyzdardyń úlkeni – Nurgúl 16-da, Ásel – 14 jasta. Ábý Dosmuhambetov atyndaǵy daryndy balalarǵa mamandandyrylǵan mektep-gimnaziiada bilim alyp jatyr.
«Ata-anamyzben birge keldik. Esh aýyrtqan joq. Jaǵdaiymyz jaqsy. Qorqýdyń qajeti joq, óitkeni bul bizdiń densaýlyǵymyz úshin kerek», - deidi Nurgúl Qudrattollaeva.
SQO-da Pfizer vaktsinasyn búginge deiin barlyǵy 798 adam aldy. Onyń ishinde 571-i jasóspirim, 13-i júkti áiel jáne 214-i jas ana.
