Foto: Soltan Jeksenbekov / Kazinform
Bul jaǵdai Soltústik Qazaqstan oblysy Ǵabit Músirepov atyndaǵy aýdan mektepteriniń birinde boldy, dep habarlaidy SQO sanitariialyq-epidemiologiialyq baqylaý departamenti baspasóz qyzmeti.
Ata-analardyń aitýynsha, balada qaýipti dert 13 mamyr kúni anyqtaldy. Taǵy qansha balanyń, muǵalimniń aýyrǵany belgisiz. Ázirge tolyq tekseris júrgizilmegen. Sol sebepti ata-analar oqýshylardy ýaqytsha qashyqtan oqytýdy surap otyr. Alaida mektep ákimshiligi olardyń ótinishine qulaq aspaǵan. Qazir balalar bir kabinet júiesimen oqyp jatyr.
SQO sanitariialyq-epidemiologiialyq baqylaý departamenti baspasóz qyzmetiniń habarlaýynsha, bul oqiǵa boiynsha mektepte qorytyndy dezinfektsiia júrgizildi.
— Densaýlyq saqtaý ministriniń buiryǵy boiynsha týberkýlez — shekteý sharalary, sonyń ishinde karantin engiziletin aýrýlar qataryna jatpaidy. Aýrý oshaǵy baqylaýǵa alyndy, qarsy epidemiialyq is-sharalar júrgizilip jatyr, bailanysta bolǵan adamdar anyqtaldy. Aýdandyq aýrýhanada qazir olar tekserilip jatyr. Bul másele Departamenttiń erekshe baqylaýynda tur, — delingen baspasóz habarlamasynda.
